រាល់ការងារ BamBam ត្រូវលុបចោលទាំងអស់ ក្រោយអ្នករួមការងារជិតស្និទ្ធម្នាក់កើតកូវីដ
- 2021-04-13 03:54:16
- ចំនួនមតិ 0 | ចំនួនចែករំលែក 0
រាល់ការងារ BamBam ត្រូវលុបចោលទាំងអស់ ក្រោយអ្នករួមការងារជិតស្និទ្ធម្នាក់កើតកូវីដ
ចន្លោះមិនឃើញ
ថ្មីៗនេះក្រុមហ៊ុន Abyss របស់ BamBam (GOT7) បានប្រកាសភ្លាមៗ ក្រោយបុគ្គលិកម្នាក់ ត្រូវបានរកឃើញថាបានឆ្លងមេរោគ COVID-19។
ក្រុមហ៊ុននេះបានឲ្យដឹងថា៖
«បុគ្គលិកម្នាក់របស់ក្រុមហ៊ុន បានទៅមន្ទីរពេទ្យ បន្ទាប់ពីមានអាការៈផ្ដាសាយ និងធ្វើតេស្តរកមេរោគកូវីដ១៩ នៅថ្ងៃទី០៨ ខែមេសា។ នៅព្រឹកថ្ងៃទី០៩ លទ្ធផលតេស្តក៏បានចេញមក ដោយបញ្ជាក់ថាមានសញ្ញា វិជ្ជមាន។
ភ្លាមៗពួកយើងក៏បានជូនដំណឹងដល់គ្រប់គ្នាដែលធ្វើការនៅក្រុមហ៊ុនពីលទ្ធផលតេស្តវិជ្ជមាននេះ។ បុគ្គលិកទាំងអស់ រួមទាំង BamBam ផង ដែលជាអ្នកប៉ះពាល់ផ្ទាល់ជាមួយនឹងអ្នកជំងឺ មុនធ្វើតេស្តនោះ ហើយលទ្ធផលពីការធ្វើតេស្តរបស់គ្រប់គ្នាចេញមកហើយ គឺ អវិជ្ជមាន នៅថ្ងៃទី១០ ខែមេសា។
អនុលោមតាមផងការស្ទង់មតិអំពីរោគរាតត្បាតដែលធ្វើឡើងដោយអាជ្ញាធរត្រួតពិនិត្យជំងឺឆ្លងនេះ បុគ្គលិកដែលត្រូវបានចាត់ទុកថាជាមនុស្សជិតស្និទ្ធនឹងអ្នកជំងឺ ដែលក្នុងនោះរួមមានទាំង BamBam ផងនោះ ត្រូវធ្វើចត្តាឡីស័កទាំងអស់។
***ដោយឡែកដើម្បីធានាសុវត្ថិភាពតារាយើង យើងសូមលុបចោលនូវរាល់ការងារទាំអស់របស់លោក ហើយយើងនឹងអនុវត្តតាមការណែនាំទាំងឡាយពីអាជ្ញាធរ។
យើងក៏សូមអភ័យទោសសម្រាប់ការបង្កជាការបារម្ភទៅកាន់អ្នកគាំទ្រលោក (BamBam) ទាំងអស់ផងដែរ។ ក្នុងនាមជាក្រុមហ៊ុន យើងនឹងនឹងប្រឹងប្រែងឲ្យអស់ពីសមត្ថភាព ដើម្បីធានាការពារសុខភាព និងសុវត្ថិភាពរបស់តារាៗរបស់យើង»៕***