Flick ផ្ដាំ PSG ថា លោកចង់ធ្វើរឿងភ្ញាក់ផ្អើលបន្តិចបន្តួចនៅទីក្រុងប៉ារីសយប់នេះ
- 2021-04-13 07:26:02
- ចំនួនមតិ 0 | ចំនួនចែករំលែក 0
Flick ផ្ដាំ PSG ថា លោកចង់ធ្វើរឿងភ្ញាក់ផ្អើលបន្តិចបន្តួចនៅទីក្រុងប៉ារីសយប់នេះ
ចន្លោះមិនឃើញ
អ្នកចាត់ការរបស់ Bayern Munich លោក Hansi Flick បាននិយាយថា លោកចង់ធ្វើរឿងភ្ញាក់ផ្អើលបន្តិចបន្តួចនៅទីក្រុងប៉ារីស ក្នុងជំនួបជើងទីពីរវគ្គ៨ក្រុមចុងក្រោយជាមួយ PSG ពាន Champions League យប់នេះ។
ក្រុមការពារតំណែងជើងឯក Bayern បានប្រកួតចាញ់ PSG ២-៣ ក្នុងទឹកដីខ្លួនឯងនាប្រទេសអាល្លឺម៉ង់កាលពីសប្ដាហ៍មុន។ នេះមានន័យថា ពួកគេត្រូវយកឈ្នះចាប់ពី២គ្រាប់ឡើងក្នុងកីឡដ្ឋាន Par de Princes ប្រសិនបើចង់ឈានទៅកាន់វគ្គ៤ក្រុមចុងក្រោយ។
មុនការប្រកួតមកដល់លោក Flick បាននិយាយថា៖ "វាគឺជាការងារដ៏លំបាកមួយ ប៉ុន្តែជាការប្រកួតដែលពួកយើងត្រូវលេង។ ពួកយើងចង់បង្កើតរឿងភ្ញាក់ផ្អើលតិចតួចក្នុងទីក្រុងប៉ារីស។ ប្រាកដណាស់ ពួកយើងនឹងសប្បាយចិត្ត ប្រសិនពួកយើងអាចឈ្នះ PSG”។
Bayern នឹងបន្តអវត្តមានកីឡាករជើងស៊ុត Robert Lewandowski ត្បិតតែរូបគេទើបតែអាចចូលហ្វឹកហាត់ ក្រោយជាពីរបួសជង្គង់។ ខ្សែបម្រើប្រយុទ្ធ Serge Gnabry ក៏មិនបានលេងដូចគ្នា បន្ទាប់ពីតេស្ដវិជ្ជមានកូវីដ-១៩។ ស្របពេល Leon Goretzka, Lucas Hernandez, Jerome Boateng និង Kingsley Coman ស្ថិតក្នុងស្ថានភាព៥០-៥០ អាចលេងបាន។
ចំពោះអ្នកចាត់ការរបស់ PSG លោក Mauricio Pochettino បានរំឭកទៅកាន់កូនក្រុមត្រូវសិក្សាពីការប្រកួតជុំមុន ពេលប៉ះ Barcelona។ ពោលលេងក្នុងផ្ទះខ្លួនឯង លោកចង់ឲ្យកីឡាករ PSG លេងឲ្យល្អជាងកាលលេងក្រៅដី។
PSG នឹងអវត្តមានប្រធានក្រុម Marquinhos បន្ទាប់ពីរបួសសាច់ដុំជើងកាលពីប្រកួតជើងទីមួយ។ ខ្សែបម្រើ Marco Verratti និងខ្សែការពារស្លាប Alessandro Florenzi ត្រូវតាមដានមើលសិន ព្រោះពួកគេទើបតែជាពីកូវីដ៕