ជីកកាយការពិត ១០យ៉ាងពី TWICE អ្នកដឹងហើយ នឹងភាំងមួយភ្លែតៗ
- 2021-04-13 08:57:31
- ចំនួនមតិ 0 | ចំនួនចែករំលែក 0
ជីកកាយការពិត ១០យ៉ាងពី TWICE អ្នកដឹងហើយ នឹងភាំងមួយភ្លែតៗ
ចន្លោះមិនឃើញ
ក្រុមចម្រៀង TWICE ត្រូវបានបង្កើតដោយផលិតកម្ម JYP កាលពីឆ្នាំ ២០១៥ ដែលមានសមាជិក ៩នាក់រួមមាន Nayeon, Jeongyeon, Momo, Sana, Jihyo, Mina, Dahyun, Chaeyoung និង Tzuyu។ តើអ្នកដឹងរឿងអ្វីខ្លះពីក្រុម K-Pop តំណាងជាតិមួយនេះរបស់ កូរ៉េ?
ខាងក្រោមគឺជាការពិត ១០យ៉ាងដែលអ្នកមិនគួររំលង ដើម្បីស្គាល់ក្រុមនេះកាន់តែច្បាស់៖
១. តាមពិត TWICE ដំបូងមានសមាជិកតែ ៧នាក់ទេ
គម្រោងដំបូងសម្រាប់កម្មវិធី SIXTEEN គឺបង្កើតក្រុមចម្រៀងនារីសមាជិក ៧នាក់ ប៉ុន្តែពេលលទ្ធផលចេញមក Momo និង Tzuyu ត្រូវមានឈ្មោះជាប់ទាំង ២។ នេះក៏ព្រោះប្រជាប្រិយភាពរបស់ Tzuyu ហក់ខ្ពស់ពេក ស្របពេល Momo កាន់តែមិនអាចដកចេញបាន ព្រោះសមត្ថភាពនាងនឹងធ្វើឲ្យឥទ្ធិពលក្រុមកាន់តែខ្លាំង។
២. វីដេអូខ្លះរបស់ TWICE មានចំនួន Dislike (មិនពេញចិត្ត) ច្រើនគួរសមលើ YouTube កើតចេញពី Anti-Fans។ តួយ៉ាងដូចបទ «Signal» មានអ្នកចុច Dislike ដល់ទៅ 383k ឯណោះ។
៣. ដំបូង Sana, Nayeon, Jihyo និង Jeongyeon ត្រូវ Debut នៅក្រុមផ្សេងទេមានឈ្មោះថា «SIXMIX»។ ក្រុមនេះ Debut នៅឆ្នាំ ២០១៤ ប៉ុន្តែសមាជិកផ្សេងទៀតក្នុងក្រុមនេះចេញទៅ ទើបគម្រោងបង្កើតត្រូវរលាយ។
៤. Jihyo ហ្វឹកហាត់ ១០ឆ្នាំ ទម្រាំបានចេញមុខជាផ្លូវការ។ អ្នកដែលនាងធ្លាប់ហាត់ជាមួយក៏មាន 2PM និង Suzy ដែរ។
៥. TWICE ធ្លាប់ក្លាយជាហេតុផលដែល គម្រោងមួយចំនួនត្រូវពន្យារពេល
ក្រុមនេះ Debut នៅឆ្នាំ ២០១៥ ហើយឆ្នាំនោះក៏ចំខួបគម្រប់ ៥ឆ្នាំដែល missA ដែរ។ ដោយសារក្រុមហ៊ុនសម្រេចផ្ដោតលើក្រុមថ្មីដែលទើបបង្កើត ទើបមិនបានរៀបចំអ្វីពិសេសសម្រាប់អបអរខួប ៥ឆ្នាំរបស់ ក្រុមចាស់។ សូម្បី Wonder Girls ក៏ត្រូវផ្អាកសកម្មភាពចេញបទថ្មីដ៏សែនយូរ នេះក៏ព្រោះក្រុមហ៊ុនមិនបានគិតគូរ។
៦. សមាជិកភាគច្រើនរបស់ TWICE សុទ្ធតែធ្លាប់បានចេញមុខក្នុងវីដេអូបទចម្រៀងរបស់រៀមច្បងមុន ចេញមុខជាផ្លូវការ
៧. Sana ប្ដូរទៅរស់នៅកូរ៉េតែឯង ពេលមានអាយុ ១៥ឆ្នាំ
នាងធ្វើដំណើរមកកាន់ប្រទេសកូរ៉ដំបូងគឺនៅឆ្នាំ ២០១២។ កាលនោះនាងរៀនអនុវិទ្យាល័យ ហើយក៏ជាពេលនាងចូលប្រកួតចូលសិល្បៈនៅទីសាធារណៈ ប៉ុន្តែពេលនោះម្ដាយឪពុកនាងមិនចង់ឲ្យចូលទេ ដោយសារបារម្ភពីការសិក្សា ណាមួយបារម្ភដែលនាងត្រូវឆ្លងប្រទេសមកនៅកូរ៉េតែឯង។ ប៉ុន្តែចិត្តស្រឡាញ់ពេក នាងក៏ព្យាយាមបញ្ចុះបញ្ចូលឪពុកម្ដាយរហូតពួកគាត់ព្រម។
៨. បងស្រីរបស់ Jeongyeon គឺជាតារាសម្ដែង Gong Seung Yeon ដែលធ្លាប់ហ្វឹកហាត់នៅផលិតកម្ម SM និងធ្លាប់ត្រូវបានគេចាប់គូចូលក្នុងកម្មវិធី «We Got Married» ជាមួយ Lee Jong Hyun ទៀត។
៩. TWICE ត្រូវមានមុខក្រដាសប្រឡង នៅសាលាជារឿយៗ ហើយបទចម្រៀងរបស់ក្រុមក៏មានក្នុងសៀវភៅតន្ត្រីសម្រាប់សិក្សាដែរ។
១០. TWICE តែងចេញ Verison ពិសេសសម្រាប់អាល់ប៊ុមពួកគេ
ឲ្យតែចេញអាល់ប៊ុមទោលហើយ ក្រុមនេះមិនភ្លេច Surprise អ្នកគាំទ្រជាមួយនឹង Special Version ទេ។ ស្របពេលមតិភាគច្រើនគិតថា ជា Version តៃវ៉ាន់ ឬជប៉ុន ប៉ុន្តែតាមពិតវាជា Version ថៃ។ មានតែអាល់ប៊ុម ១ប៉ុណ្ណោះ ដែលពួកគេមិនបានធ្វើជា Version ថៃ នោះគឺអាល់ប៊ុម «TWICEcoaster: Lane 1 Christmas Edition» ប៉ុន្តែកាន់តែពិសេស Edition នេះមានតាំងពី CD, DVD, Poster និង Photocard ១កំប្លេ៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត