មុនប៉ះគ្នាយប់នេះ Klopp សុំទោស Real Madrid រឿងមួយ
- 2021-04-14 04:34:43
- ចំនួនមតិ 0 | ចំនួនចែករំលែក 0
មុនប៉ះគ្នាយប់នេះ Klopp សុំទោស Real Madrid រឿងមួយ
ចន្លោះមិនឃើញ
លោក Jurgen Klopp បានធ្វើការសុំអភ័យទោសចំពោះសម្ដីរបស់លោកដែលថា Real Madrid យកកន្លែងហាត់មកប្រកួតកាលពីសប្ដាហ៍មុន។
ការប្រកួតពាន Champions League ជើងទីមួយវគ្គ៨ក្រុមចុងក្រោយក្នុងទឹកដីប្រទេសអេស្ប៉ាញ Madrid បានយកកីឡដ្ឋាន Alfredo Di Stefano ទទួលក្រុម Liverpool។ យ៉ាងណាមិញ មុនជួបគ្នាជើងទីពីរយប់នេះម៉ោង២:០០នាទីរំលងអាធ្រាត្រ អ្នកចាត់ការសញ្ជាតិអាល្លឺម៉ង់ក៏បានសុំទោសលើរឿងដែលកើតឡើង។
ប្រាប់ RMC Sport លោក Klopp បាននិយាយថា មានមនុស្សជាច្រើនបានលើករឿងខាងលើមកនិយាយ។ លោកគ្មានចេតនាបញ្ចេញការមិនគោរពនោះទេ។ ប្រសិនបើគ្រប់គ្នាគិតថា De Stefano គឺជាកីឡដ្ឋាន ដែលពួកគេចង់លេង វាមិនអីទេសម្រាប់លោក។ Real យកទីនោះលេងពេញមួយរដូវកាលទៅហើយ ព្រោះតែ Santiago Bernabeu កំពុងកែលម្អ។
Klopp បន្ថែមថា៖ “ប្រសិនបើគ្រប់គ្នាគិតថា ខ្ញុំនិយាយគ្មានការគោរព ខ្ញុំសុំទោស។ ខ្ញុំគ្មានចេតនានោះទេ”។ ការប្រកួតជើងទីមួយរវាងក្រុមទាំងពីរ Real Madrid បានយកឈ្នះ Liverpool ៣-១៕