អគ្គិសនីកម្ពុជា ជាក្រុមរកគ្រាប់បាល់ក្រៅប្រអប់ច្រើនជាងគេបំផុត
- 2021-04-15 05:54:04
- ចំនួនមតិ 0 | ចំនួនចែករំលែក 0
អគ្គិសនីកម្ពុជា ជាក្រុមរកគ្រាប់បាល់ក្រៅប្រអប់ច្រើនជាងគេបំផុត
ចន្លោះមិនឃើញ
គិតត្រឹមសប្ដាហ៍ទី៥ នៃការប្រកួតពានរង្វាន់លីគកំពូលកម្ពុជា ក្រុមអគ្គិសនីកម្ពុជា បានជាប់កំណត់ត្រាក្រុមរកគ្រាប់បាល់ក្រៅប្រអប់ ឬការស៊ុតពីចម្ងាយច្រើនជាងគេមានដល់ទៅ ៥ គ្រាប់។
គ្រាប់បាល់ទាំង៥របស់អគ្គិសនីកម្ពុជា រកបានដោយខ្សែបម្រើ ជាច សុជាវីឡា ខ្សែប្រយុទ្ធ ឃុន សេងថៃ ខ្សែប្រយុទ្ធ យ៉ាន់ សុខា ទល់នឹងក្រុមនគរបាលជាតិ ឈ្នះ ៣-២។
គ្រាប់ទី៤រកបានដោយខ្សែបម្រើ ច្រឹង ច័ន្ទវីរៈ ក្នុងជំនួបជាមួយណាហ្គាវើលដ៍ ចាញ់ ១-៣ និងគ្រាប់ទី៥រកបានដោយខ្សែប្រយុទ្ធពាក់លេខ៩ សារ ទី ក្នុងជំនួបអគ្គិសនីកម្ពុជាជាមួយព្រះខ័នរាជស្វាយរៀង ចាញ់ ១-៦។
ដើមរដូវកាលនេះ ក្លឹបបាល់ទាត់អគ្គិសនីកម្ពុជា ក្រោមការដឹកនាំរបស់លោកគ្រូបង្គោល មាស សំអឿន បានធ្វើឱ្យអ្នកគាំទ្រមានការភ្ញាក់ផ្អើលជាមួយននឹងសមត្ថភាពនិងស្មារតី ជាពិសេសការបង្តើតកំណត់ត្រា ស៊ុតពីចម្ងាយដ៏អស្ចារ្យរបស់ពួកគេ។
យ៉ាងណាបីប្រកួតកន្លងមក ក្រុមប្រើកីឡាករខ្មែរសុទ្ធ ឈ្នះ១ ចាញ់២ និងស្មើ១ មាន៣ពិន្ទុ ឈរលេខរៀងទី៧ក្នុងតារាងចំណាត់ថ្នាក់ ចំណែកក្រុមកំពូលតារាងបានលើអង្គរថាយហ្គឺរ ៤ប្រកួតមាន១០ពិន្ទុ លេខ២ភ្នំពេញក្រោន និង៣ព្រះខ័នរាជស្វាយរៀង មាន៩ពិន្ទុដូចគ្នា៕