សេង កុសែន៖ សម្រាប់ខ្ញុំ Gbenga នៅតែល្អនិងគ្រោះថ្នាក់
- 2021-04-15 07:41:17
- ចំនួនមតិ 0 | ចំនួនចែករំលែក 0
សេង កុសែន៖ សម្រាប់ខ្ញុំ Gbenga នៅតែល្អនិងគ្រោះថ្នាក់
ចន្លោះមិនឃើញ
ខ្សែប្រយុទ្ធ Gbenga បានធ្លាក់ពីក្លឹបធំបឹងកេតទៅលេងឱ្យក្លឹបតូចអាស៊ីអឺរ៉ុបយូណាយធីត ប៉ុន្តែសមត្ថភាព បច្ចេកទេស និងភាពឆ្លាតវ័យរបស់គេលើទីលានគេមិនធ្លាក់ឡើយ។ នេះបើតាមការយល់ឃើញរបស់ខ្សែការពារក្លឹបនគរបាលជាតិ សេង កុសែន។
អតីតសមាជិកបឹងកេត និងភ្នំពេញក្រោន បានពន្យល់បែបនេះ ៖«អាយុគាត់ច្រើនហើយ ប៉ុន្តែភាពវ័យឆ្លាតរបស់គាត់អត់ចាស់តាមអាយុទេ គាត់ប្រឹងហាត់ និងថែខ្លួនបានល្អ។ សម្រាប់ខ្ញុំគាត់នៅតែល្អ និងគ្រោះថ្នាក់ គ្រាន់តែគាត់ថមថយកម្លាំងទាំងកម្លាំងតិចតួច»។
ទោះបីដឹងពីតាក់ទិកខ្លះៗក្ដី ប៉ុន្តែខ្សែការពារវ័យ៣១ឆ្នាំថាពិបាកក្នុងការចាប់កុក អតីតកីឡាករភ្នំពេញក្រោន និងអតីតកីឡាករនៅលីគថៃ Gbenga ណាស់។ ជាក់ស្ដែងក្នុងការប្រកួតរវាងក្រុមនគរបាលជាតិ និងអាស៊ីអឺរ៉ុបយូណាយធីត កាលពីពេលកន្លងទៅ។
ខ្សែការពារដដែលបានឱ្យដឹងថា ៖«ឱ្យតែខ្ញុំលេងប៉ះជាមួយគាត់ ចង់គាត់នៅក្លឹបណាខ្ញុំនៅក្លឹបណាក៏ដោយ ពេលប៉ះជាមួយគាត់ម្ដងៗគឺពិបាកយកបាល់គាត់ណស់ ព្រោះបច្ចេកទេសគាត់ល្អ សំខាន់ខួរក្បាលគាត់ល្អ អ៊ីចឹងខ្ញុំប្រយ័ត្នជាមួយគាត់រហូត»។
កុសែនបន្ថែមទោះកីឡាករសញ្ជាតិនីហ្សេរីយ៉ារូបនេះវ័យជ្រេបន្តិចមែន ប៉ុន្តែគេនៅតែមានឆន្ទៈ ការព្យាយាម និងបច្ចេកទេសល្អដដែល។
កីឡាករមានដើមកំណើតនៅភ្នំពេញ លើកឡើងយ៉ាងដូច្នេះ ក៏ដោយសារពេលធ្វើដំណើរទៅហ្វឹកហាត់នាពេលព្រឹកម្ដងៗ គេឧស្សាហ៏ជួប Gbenga និងកីឡាករបរទេសដទៃទៀតណាស់៕