សារបន្ទាន់! អ្នកល្មេីសបម្រាមលួចចូលមកខេត្តព្រៃវែង រកឃេីញវិជ្ជមានកូវីដ ៤នាក់ទៀតហើយ
- 2021-04-16 08:00:51
- ចំនួនមតិ 0 | ចំនួនចែករំលែក 0
សារបន្ទាន់! អ្នកល្មេីសបម្រាមលួចចូលមកខេត្តព្រៃវែង រកឃេីញវិជ្ជមានកូវីដ ៤នាក់ទៀតហើយ
ចន្លោះមិនឃើញ
រដ្ឋបាលខេត្តព្រៃវែង បានចេញសារបន្ទាន់មួយ នារសៀលថ្ងៃទី១៦ ខែមេសានេះ ស្ដីពីការរកឃើញវិជ្ជមានកូវីដ-១៩ លើមនុស្សចំនួន ៤នាក់បន្ថែមទៀត ក្នុងចំណោមអ្នកល្មើសបម្រាម លួចចូលខេត្តព្រៃវែង កាលពីពេលថ្មីៗកន្លងទៅ។
រដ្ឋបាលខេត្តព្រៃវែង បានបញ្ជាក់ថា អ្នករកឃើញវិជ្ជមានកូវីដ ទាំង៤នាក់បន្ថែមនេះ មានឈ្មោះដូចខាងក្រោម៖
១. ឈ្មោះ ឆាំ រីនឌី ភេទ ប្រុស អាយុ ២៤ឆ្នាំ រស់នៅភូមិចាក់ខ្លាញ់ ឃុំពាមរក៏ ស្រុកពាមរក៏ ខេត្តព្រៃវែង បានយកសំណាកទៅពិនិត្យនៅថ្ងៃទី១៣ ខែមេសា (យកលេីកទី១) ជាអ្នកលួចធ្វើដំណើរមកពីរាជធានីភ្នំពេញ។
២. ឈ្មោះ យៀវ លន ភេទស្រី អាយុ ៤៦ឆ្នាំ រស់នៅភូមិស្វាយចេក ឃុំឬស្សីស្រុក ស្រុកពាមជរ បានយកសំណាកទៅពិនិត្យនៅថ្ងៃទី១៣ ខែមេសា (យកលេីកទី១) ជាអ្នកលួចធ្វើដំណើរមកពីភ្នំពេញ។
៣. ឈ្មោះ ឆែម ភា ភេទប្រុស អាយុ ៤៣ឆ្នាំ រស់នៅភូមិកូនពោធិ៍ ឃុំពានរោង ស្រុកស្វាយអន្ទរ ខេត្តព្រៃវែង បានយកសំណាកទៅពិនិត្យនៅថ្ងៃទី១៤ ខែមេសា (យកលើកទី១) ជាអ្នកលួចធ្វើដំណើរមកពីភ្នំពេញ។
៤. ឈ្មោះ ហ៊ាង ភី ភេទប្រុស អាយុ ២៧ឆ្នាំ រស់នៅភូមិព្រៃស្រមោច ឃុំអង្គររាជ្យ ស្រុកព្រះស្តេច ខេត្តព្រៃវែង បានយកសំណាកទៅពិនិត្យនៅថ្ងៃទី១៤ ខែមេសា (យកលេីកទី១) ជាអ្នកលួចធ្វើដំណើរមកពីភ្នំពេញ។
រដ្ឋបាលខេត្តព្រៃវែង បានបញ្ជាក់ថា “ការចល័តទីនេះ ធ្វើឲ្យនាំទុក្ខដល់គេពេញមួយភូមិ ទាំងឪពុកម្តាយ និងសាច់ញ្ញាតិ"។ រដ្ឋបាលខេត្ត បានបញ្ជាឲ្យចាត់វិធានការក្តៅ ការរឹតបន្តឹងការឆ្លងកាត់ និងដាក់អោយធ្វើចត្តាឡីស័កឲ្យបានត្រឹមត្រូវដោយគ្មានការយោគយល់ដាច់ខាត។
សូមជំរាបជូនផងដែរថា ចំពោះអ្នកលួចចល័តទីដោយមិនគោរពវិធានការរដ្ឋបាល នឹងត្រូវប្រឈមនឹងការទទួលទណ្ឌកម្មព្រហ្មទណ្ឌតាមមាត្រា១០ និងមាត្រា១១ នៃច្បាប់ស្តីពីកូវីដ ព្រមទាំងទណ្ឌកម្មរដ្ឋបាលបន្ថែមផ្សេងទៀត បន្ទាប់ពីត្រូវនាំទៅធ្វើចត្តាឡីស័ករយៈពេល ១៤ថ្ងៃរួច៕