ផ្សារដើមគរ បិទក្រោយផ្ទុះកូវីដខ្លាំង ពេលនេះអាជ្ញាធរកំពុងស្វែងរកទីតាំងធ្វើផ្សារបោះដុំបន្លែបណ្ដោះអាសន្ន
- 2021-04-18 02:16:44
- ចំនួនមតិ 0 | ចំនួនចែករំលែក 0
ផ្សារដើមគរ បិទក្រោយផ្ទុះកូវីដខ្លាំង ពេលនេះអាជ្ញាធរកំពុងស្វែងរកទីតាំងធ្វើផ្សារបោះដុំបន្លែបណ្ដោះអាសន្ន
ចន្លោះមិនឃើញ
ឯកឧត្ដម គង់ សោភ័ណ្ឌ អភិបាលខេត្តកណ្ដាលបានចុះទាំងយប់ ដើម្បីត្រួតពិនិត្យស្វែងរកទីតាំងដើម្បីត្រៀមសម្រាប់ធ្វើជាផ្សារបោះដុំបន្លែបណ្ដោះអាសន្ន ជំនួសឱ្យផ្សារដើមគ។
នៅយប់មិញអាជ្ញាធរ បានសម្រេចបិទផ្សារដើមគរទាំងស្រុង ហើយផ្សារបន្លែនៅជាប់គ្នានៃខណ្ឌបឹងកេងកងក៏ត្រូវបានបិទផងដែរក្រោយមានបងប្អូនអាជីវករប្រមាណ១០០នាក់មានវិជ្ជមានកូវីដ-១៩។ កត្ដានេះហើយ ទើបតម្រូវឱ្យស្វែងរកកន្លែងដើម្បីរៀបចំជាផ្សារបោះដុំបន្លែថ្មីជាបន្ទាន់។
ដោយក្នុងនោះ ឯកឧត្ដម គង់ សោភ័ណ្ឌ អភិបាលខេត្តកណ្ដាល បានបញ្ជាក់ថា៖ ស្របតាមការស្នើសុំរបស់ សាលារាជធានីភ្នំពេញ នាវេលាយប់ថ្ងៃសៅរ៍ ថ្ងៃទី១៧ ខែមេសា ឆ្នាំ២០២១ ខ្ញុំបាទ អមដំណើរដោយ គណៈអភិបាលរងខេត្ត លោកឧត្តមសេនីយ៍មេបញ្ជាការកងកម្លាំងទាំងបីខេត្ត និងមន្រ្តីជំនាញពាក់ព័ន្ធបានចុះត្រួតពិនិត្យ ទីតាំងត្រៀមសម្រាប់ធ្វើជាផ្សារបោះដុំបន្លែបណ្តោះអាសន្ន ជំនួសឱ្យផ្សារដើមគរ ដែលថ្មីៗនេះអាជ្ញាធរសាលារាជធានី សម្រេចនឹងផ្អាករយៈពេល១៤ថ្ងៃ ក្រោយពីបានរកឃើញករណីវិជ្ជមានវីរុសកូវីដ-១៩ លើអាជីវករ និងអ្នកពាក់ព័ន្ធផ្សេងទៀត។