Bayern ហ៊ានឲ្យមួយឆ្នាំ១៣លានផោន តែ Alaba សម្រេចទៅចូលរួមជាមួយ Real
- 2021-04-22 02:24:32
- ចំនួនមតិ 0 | ចំនួនចែករំលែក 0
Bayern ហ៊ានឲ្យមួយឆ្នាំ១៣លានផោន តែ Alaba សម្រេចទៅចូលរួមជាមួយ Real
ចន្លោះមិនឃើញ
ខ្សែការពាររបស់ Bayern Munich កីឡាករ David Alaba បានយល់ព្រមទៅចូលរួមជាមួយ Real Madrid ហើយក្នុងរដូវក្ដៅនេះ ដោយទទួលយកកុងត្រារយៈពេល៥ឆ្នាំ។
កីឡាករសញ្ជាតិអូទ្រីសមិនទាន់ចុះកុងត្រាជាផ្លូវការនៅឡើយទេ ប៉ុន្តែការផ្លាស់នេះត្រូវគេរំពឹងថា ក្លឹបទាំងពីរនឹងប្រកាសនៅប៉ុន្មានសប្ដាហ៍ខាងមុខ។ កាលពីដើមឆ្នាំកន្លងទៅ Alaba វ័យ២៨ឆ្នាំបាននិយាយក្នុងសន្និសីទកាសែត គេនឹងបញ្ចប់ការរស់នៅរយៈពេល១៣ឆ្នាំនៅ Munich ក្នុងរដូវក្ដៅនេះ ហើយចេញដោយគ្មានតម្លៃខ្លួន។
កុងត្រារបស់គេជាមួយ Bayern នឹងអស់ពេលបញ្ចប់រដូវកាលនេះ ខណៈក្លឹបក៏ធ្លាប់ស្នើពង្រីកកិច្ចសន្យាថ្មីហ៊ានឲ្យថ្លៃនឿយហត់១៣លានផោនក្នុងមួយឆ្នាំ ប៉ុន្តែត្រូវបានបដិសេធ។ ១៣ឆ្នាំនៅ Bayern កីឡាករជំនាញជើងឆ្វេងរូបនេះជួយក្រុមឈ្នះ Bundesliga ៩សម័យ, Champions League, Club World Cup, Super Cup ២សម័យដូចៗគ្នា។
ក្នុងនោះគេក៏បានជួយក្រុមលើកពានក្នុងស្រុកជាច្រើនទៀតដូចជា DFB-Pokal និង DFL-Supercup ជាដើម។ ខ្សែការពារ Jerome Boateng ក៏នឹងត្រូវចាកចេញពីកីឡដ្ឋាន Allianz Arena ដែរ ដោយសារអស់កុងត្រា៕