AT Madrid ហក់ឡើងកំពូលតារាងវិញ ក្រោយឈ្នះ Huesca ២-០
- 2021-04-23 02:02:39
- ចំនួនមតិ 0 | ចំនួនចែករំលែក 0
AT Madrid ហក់ឡើងកំពូលតារាងវិញ ក្រោយឈ្នះ Huesca ២-០
ចន្លោះមិនឃើញ
ក្រុម Atletico Madrid បានយកឈ្នះលើក្រុម Huesca ក្នុងលទ្ធផល ២-០ សម្រាប់ការប្រកួតពានរង្វាន់ La Liga នៅយប់មិញនេះ ដែលធ្វើឱ្យពួកគេឡើងទៅឈរនៅកំពូលតារាងវិញហើយ។
លេងនៅក្នុងទឹកដីខ្លួនឯងក្រុម AT Madrid ធ្វើបានល្អ ដោយរកបាន២គ្រាប់ ពីសំណាក់កីឡាករ Correa នៅនាទី៣៩ និង Carrasco នៅនាទី៨០។ ជ័យជម្នះនេះ ក៏បានជួយឱ្យក្រុមរបស់លោក Simeone ឡើងទៅឈរនៅកំពូលតារាង La Liga វិញផងដែរ។ ដោយបន្ដលើសក្រុមBarcelona ២ពិន្ទុ និងក្រុម Real Madrid ៣ពិន្ទុ។
ក្រុម Atletico Madrid នៅសល់តែពានរង្វាន់នេះ១ទៀតប៉ុណ្ណោះ។ ដោយពួកគេជាក្រុមឈរនៅកំពូលតារាងជាច្រើនខែមកហើយ។ កាលពីប៉ុន្មានសប្ដាហ៍មុននោះ ក្រុមនេះដាច់ពិន្ទុគេជាង១០ពិន្ទុឯណោះ ប៉ុន្តែដោយសារភ្លាត់ចាញ់និងស្មើច្រើន ទើបពេលនេះគម្លាតពិន្ទុនៅកៀកគ្នាវិញ៕