រឿង ១០យ៉ាងពី Irene (Red Velvet) នឹងធ្វើឲ្យអ្នកអួលដើមក ពេលអានចប់
- 2021-04-27 06:24:57
- ចំនួនមតិ 0 | ចំនួនចែករំលែក 0
រឿង ១០យ៉ាងពី Irene (Red Velvet) នឹងធ្វើឲ្យអ្នកអួលដើមក ពេលអានចប់
ចន្លោះមិនឃើញ
Irene តារាស្រីមានឈ្មោះពិត Bae Ju Hyun គឺជាមេក្រុម Red Velvet ក្រុមចម្រៀងដែលអ្នកគាំទ្រ K-Pop ស្គាល់ច្បាស់ដូចថ្ងៃ និងក៏ជាតារាសម្ដែងដែលទើបឈានជើងចូលប្រឡូកថ្មីៗនេះ។
ស្របពេលទទួលបានក្ដីស្រឡាញ់យ៉ាងច្រើនពីមហាជន Irene ក៏ស្ថិតក្នុងបញ្ជីឈ្មោះតារាស្រីកូរ៉េ ដែលរងនូវមតិរិះគន់ច្រើនដែរកន្លងមកលើវិថីសិល្បៈ។ ប៉ុន្តែពីក្រោយស្នាមញញឹម និងភាពរឹងមាំ Irene ក៏ជានារីម្នាក់ដែលមានបេះដូងបរិសុទ្ធ ស្លូតបូត និងចិត្តមេត្តាណាស់ដែរ។ រឿងពិតទាំង ១០ខាងក្រោម នឹងធ្វើឲ្យអ្នកដឹងកាន់តែច្បាស់ថា តារាស្រីរបស់ SM រូបនេះជាមនុស្សបែបណា?
១. Irene បៀមទុក្ខរឿងលំបាក និងទទួលសម្ពាធតឹងតែងបំផុត ក្នុងការធ្វើជាមេក្រុម ប៉ុន្តែនាងមិនដែលបង្ហាញចេញឡើយ
ក្នុងកម្មវិធី Yangnamja Show សមាជិករួមក្រុមគឺ Joy បានលើកឡើងថាសមាជិកទាំងអស់តែងលើកពីភាពលំបាកមកជជែកគ្នា ប៉ុន្តែសម្រាប់ Irene បែរជាមិនដែលនិយាយអ្វីសូម្បីមួយម៉ាត់ពីអ្វីដែលនាងជួប ព្រោះបើនាងនិយាយចេញទៅ ក្រុមទាំងមូលអាចនឹងផ្ដេកផ្ដួល និងបាត់ជំនឿចិត្តរៀងខ្លួន។ ដូចនេះនាងមានតែទ្រាំលាក់ទុកតែឯង និងជំនួសមកវិញនូវស្នាមញញឹម និងផ្ដល់កម្លាំងចិត្តកាន់តែខ្លាំងដល់ក្រុម។
២. នាងតែងមើលថែសមាជិកក្រុម មិនដែលត្អូញឡើយ
ជាឧទាហរណ៍ នាងតែងលើករបស់ធ្ងន់ៗឲ្យប្អូនៗរួមក្រុម ព្រោះធ្វើបែបនេះពួកគេអាចដើរស្រួលខ្លួន។ មិនត្រឹមតែប៉ុណ្ណោះ នាងតែងតែទិញនំចំណី និងកាដូផ្សេងៗឲ្យគ្នីគ្នារហូត។ បើត្រូវទៅញ៉ាំអីជុំគ្នានៅក្រៅ Irene តែងមើលម្ហូបណាមានឆ្អឹង និងពិនិត្យយ៉ាងហ្មត់ចត់កុំឲ្យសមាជិករួមក្រុមញ៉ាំទៅស្លាក់។
៣. នាងជាមនុស្សឆាប់រំជួលអារម្មណ៍
ពិតណាស់ Irene ជាមនុស្សដែលត្រូវការពេលយូរដើម្បីស្និទ្ធស្នាលជាមួយអ្នកណាម្នាក់ ប៉ុន្តែកាលណានាងស្គាល់ពួកគេច្បាស់ហើយ នាងឆាប់ចុះសម្រុងណាស់។ ដូចពេលភាគបញ្ចប់កម្មវិធី Level Up របស់ Red Velvet នាងចាប់ផ្ដើមក្ដុកក្ដួលអារម្មណ៍រហូតយំ ព្រោះនឹកស្រណោះក្រុមការងារក្នុងកម្មវិធីដែលរួមដំណើរមកជាមួយគ្នាមួយរយៈ។
៤. នាងជាមនុស្សពូកែខ្វល់ពីអ្នកដទៃណាស់ រួមទាំង Fan ផង
ពេលក្រឡេកទៅអ្នកគាំទ្រដែលកំពុងរងា នាងក៏បានហុចកញ្ចប់កម្ដៅ ឲ្យ Fan ភ្លាម។
៥. ចំណូលចិត្តនាងគឺ រាំ និង ចម្អិនម្ហូប ប៉ុន្តែអ្វីកាន់តែធ្វើឲ្យ Irene មានក្ដីសុខ គឺពេលធ្វើស៊ុបសារាយឲ្យសមាជិកញ៉ាំក្នុងថ្ងៃខួបកំណើតរបស់ពួកគេ។
៦. Irene មិនដែលបង្រៀនខ្លួនឯង ឲ្យពឹងផ្អែកលើអ្នកជុំវិញខ្លួនឡើយ ប៉ុន្តែនាងតែងហ្វឹកហាត់ចិត្តគំនិតខ្លួនឯងឲ្យរឹងមាំ និងក្លាយជាបងស្រីដ៏ល្អដែលគ្រប់គ្នា ជាពិសេសសមាជិកប្អូនៗអាចពឹងផ្អែកលើនាងបានគ្រប់ពេល។
៧. សភាពខាងក្រៅ អ្នកអាចមើលមក Irene ថាជាមនុស្សក្រអឺតក្រទម អឹមអៀនច្រើន តែជាក់ស្ដែង នាងជាមនុស្សកក់ក្ដៅ ចិត្តល្អ និងពូកែស្ដាប់ (យោបល់ បញ្ហាកង្វល់...)ពីអ្នកជុំវិញខ្លួនណាស់។
៨. នាងគឺជាមេក្រុមដ៏ល្អឥតខ្ចោះ
Joy ធ្លាប់សារភាពថា Irene ជា Leader ដ៏ល្អម្នាក់សម្រាប់ក្រុម។ មេក្រុមម្នាក់នេះតែងលើកយកចំណុចដែលជាបញ្ហាមកដោះស្រាយដោយសន្តិវិធី និងទទួលយកគំនិតកែលម្អ និងការយល់ឃើញពីសមាជិកក្រុមទាំងអស់ ដើម្បីរក្សាកុំឲ្យមានទំនាស់កើតឡើង។
៩. នៅចំពោះមុខសមាជិកទាំងអស់ Irene ប្រឹងទប់មិនឲ្យទឹកភ្នែកស្រក់ដាច់ខាត
Irene ធ្លាប់និយាយដែរថា នៅចំពោះមុខសមាជិកទាំងអស់ នាងព្យាយាមទប់ទឹកភ្នែកមិនឲ្យស្រក់ដាច់ខាត ប៉ុន្តែបើដល់ថ្នាក់ ពិបាកទប់ខ្លាំង នាងដើរទៅបន្ទប់ហាត់ដើម្បីយំម្នាក់ឯងឲ្យអស់ចិត្ត។ បន្ថែមពីនេះ Irene ថា ការស្ដាប់បទចម្រៀងក៏ជាវិធីដែលជួយនាងឲ្យមានអារម្មណ៍ធូរបន្តិចដែរ ហើយបញ្ហាស្ត្រេសដែលនាងមិនដែលហ៊ានបង្ហាញចេញទាំងនោះនឹងបាត់ទៅវិញ ស្របពេលនាងព្យាយាមតទល់ជាមួយវា ម្នាក់ឯងក៏ដោយ។
១០. នាងនឹកស្រុកកំណើតរបស់នាងខ្លាំងណាស់
Irene ទម្លាយថា ពេលទៅផ្ទះ នាងចូលចិត្តធ្វើនេះនោះសាមញ្ញៗដូចជាទៅផ្សារជាមួយម្ដាយជាដើម ហើយសកម្មភាពទាំងនេះធ្វើឲ្យនាងស្រណោះខ្លាំង ជាពិសេសពេលម្ដាយរអ៊ូដាក់ ព្រោះពេលនេះនាងលែងបានឮម្ដាយរអ៊ូផ្ទាល់ហើយ ដោយសារនាងត្រូវមកធ្វើការនៅទីក្រុងបែកពីម្ដាយ។ ជារួមឲ្យតែនិយាយពីអ្នកផ្ទះ ជាពិសេសម្ដាយ នាងតែងយំជានិច្ច៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត