Facebook ធ្លាប់ចោទ Apple ច្រណែនការរកសុី ពេលដឹងហ្វេសប៊ុករកបានរាប់លានដុល្លារ

2021-04-28 02:30:32
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Mark Zuckerberg បានចោទ Apple ពីការផ្លាស់ប្ដូរ access a device ID ឬពាក្យពេញ Identifier for Advertisers-IDFA គឺជាការវាយប្រហារមកលើអាជីវកម្មរបស់ខ្លួនច្បាស់ណាស់។ ប្រការនេះ ក៏ជាច្រណែនដែលហ្វេសប៊ុករកបានរាប់លានដុល្លារ។

Mark Zuckerberg បានបន្ថែមទៀតថា ការដែល Apple ព្យាយាមតឹងតែងចំពោះការតាមដានទិន្នន័យរបស់ខ្លួនលើ iPhone ព្រោះតែ Apple មានបំណងជ្រៀតជ្រែកនិងលើកទឹកចិត្តអ្នកប្រើប្រាស់ឱ្យងាកទៅប្រើកម្មវិធីផ្ញើសារ iMessage និងកម្មវិធីខលវីដេអូ FaceTime របស់ពួកគេវិញម្ដង។ និយាយឲ្យងាយយល់ ពួកគេ[Apple] ក៏កំពុងរកស៊ីលើវិស័យនេះដូចគ្នា គ្រាន់តែមិនចំហរ។

Identifier for Advertisers-IDFA គឺជាមុខងារនេះប្រើដើម្បីតាមដានទិន្នន័យអ្នកប្រើប្រាស់ក្នុងការផ្សាយពាណិជ្ជកម្មឲ្យចំគោលដៅ កន្លងមកហ្វេសប៊ុកទាញយកមកប្រើជាច្រើនឆ្នាំ។

ថ្មីៗនេះ iOS14.5 បានប្រកាសចេញផ្លូវការហើយ។ នេះគឺជាចំណុចរសើបមួយរបស់ Facebook ដោយសារតែហ្វេសប៊ុកជាក្រុមហ៊ុនផ្តល់ជូននូវសេវាកម្មផ្សព្វផ្សាយពាណិជ្ជកម្មអនឡាញដ៏ធំជាងគេ។ ទិន្នន័យដែលពួកគេយកទៅប្រើប្រាស់ត្រូវបាន Apple បកអាក្រាតថា បានមកពីការលួចយកឬតាមដានទម្លាប់អ្នកលេងហ្វេសប៊ុក។

រំឮកផងដែរថា ចំណូលជាប្រចាំឆ្នាំរបស់ហ្វេសប៊ុក ទទួលបានរាប់ពាន់លានដុល្លារតាមរយៈការផ្សាយពាណិជ្ជកម្មនេះឯង ចំណែកឯ Apple ដែលមាន ecosystem លើផលិតផលរួចជាស្រេចរបស់ពួកគេហើយនោះ ដូចនេះការឈានជើងចូលរបត់ថ្មីលើ iOS14.5 គេរំពឹងថា ចំណូលប្រចាំឆ្នាំរបស់ Apple កាន់តែកើនឡើង ផ្ទុយទៅវិញ នឹងធ្វើឲ្យហ្វេសប៊ុកជាអ្នកខាតបង់ធំ៕

អត្ថបទបន្ថែម៖ -សង្គ្រាមចាប់ផ្តើម «iOS 14.5» របស់ Apple នឹងធ្វើឲ្យ Facebook បាត់បង់ចំណូលរាប់លានដុល្លារ

-ដំណោះស្រាយបញ្ហាក្រុមហ៊ុនធំៗរំលោភបំពានទិន្នន័យរបស់អ្នកប្រើ លើមុខងារថ្មី iOS 14.5

ប្រភព៖ Indiatimes ប្រែសម្រួល៖ រក្សា