Maguire ថា ត្រូវតែឈ្នះក្រុមលោក Emery លើកពាន Europa League ឲ្យបាន

2021-05-07 02:34:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារ Harry Maguire បាននិយាយថា Manchester United ត្រូវតែឈ្នះ Europa League បន្ទាប់ពីបានឡើងវគ្គផ្ដាច់ព្រ័ត្រក្រោមការដឹកនាំរបស់ Ole Gunnar Solskjaer។

ក្រុមបិសាចក្រហមបានឡើងដល់ផ្ដាច់ព្រ័ត្រ ក្រោយយកឈ្នះ Roma សរុបទាំងពីរជើង៨-៥ ត្បិតជើងទីចាញ់ ៣-២ ក្ដី។ United នឹងត្រូវជួបជើងខ្លាំងមកពីអេស្ប៉ាញ Villarreal ដែលការប្រកួតរៀបចំនៅទីក្រុង Gdansk ប្រទេសប៉ូឡូញ។

ក្រោយបញ្ចប់ការប្រកួត Maguire ដែលជាប្រធានក្រុមរបស់ United បាននិយាយថា វាគឺជាការសម្រេចបានគោលដៅដ៏អស្ចារ្យមួយ។ ជារឿងខកចិត្តដែលការប្រកួតយប់មិញមិនឈ្នះ ប៉ុន្តែក្រុមទាំងមូលខំលេងណាស់កាលពីជើងទីមួយ ទើបធ្វើឲ្យលទ្ធផលវិជ្ជមានបែបនេះ។ ក៏សូមអបអរដល់ក្រុមដែលឆ្លងផុតវគ្គពាក់កណ្ដាលផ្ដាច់ព្រ័ត្រ ហើយវគ្គផ្ដាច់ព្រ័ត្រ United ត្រូវតែលើកពាន។

យ៉ាងណា Man Utd ក៏មិនអាចមើលងាយ Villarreal ដែលកំពុងដឹកនាំដោយលោក Unai Emery។ បុរសវ័យ៤៩ឆ្នាំរូបនេះធ្លាប់ដឹកនាំ Sevilla ជោគជ័យខ្លាំង លើកពាន Europa League ដល់ទៅ៣រដូវកាលជាប់គ្នា ពោល២០១៣-១៤, ២០១៤-១៥ និង ២០១៥-១៦៕

ប្រភព៖ Dailymail ប្រែសម្រួល៖ ហេង សុធារិទ្ធិ