PSG ឆ្នាំនេះ ទំនងបាត់ពានរង្វាន់លីគកំពូលបារាំងហើយ
- 2021-05-10 03:06:33
- ចំនួនមតិ 0 | ចំនួនចែករំលែក 0
PSG ឆ្នាំនេះ ទំនងបាត់ពានរង្វាន់លីគកំពូលបារាំងហើយ
ចន្លោះមិនឃើញ
ក្រោយពីលេងបានត្រឹមស្មើជាមួយក្រុម Rennes ក្នុងលទ្ធផល ១-១ បានធ្វើឱ្យក្រុម PSG ពេលនេះស្ថិតនៅលេខ២ និងចាញ់ពិន្ទុក្រុម Lille ដល់ទៅ៣ពិន្ទុឯណោះ។
សម្រាប់ការប្រកួតជាមួយក្រុម Rennes នៅយប់មិញនេះ PSG រកគ្រាប់បាល់បានមុនដោយ Neymar ជាអ្នកទាត់ប៉េណាល់ទី ប៉ុន្តែលទ្ធផល១គ្រាប់នេះមិនអាចឱ្យក្រុមមួយនេះទទួលបានជ័យជម្នះនោះទេ។ ដោយនៅនាទី៧០ ក្រុម Rennes ក៏រកគ្រាប់បាល់តាមស្មើវិញបានទៀត។ លទ្ធផលចប់ការប្រកួត Rennes ១-១ PSG ។
ការលេងបានត្រឹមស្មើនេះ បានធ្វើឱ្យក្រុម PSG ហាក់ដូចជាពិបាកបន្តិចក្នុងការការពារតំណែងជើងឯកពានរង្វាន់លីគកំពូលបារាំងទៅហើយ។ ឆ្លងកាត់៣៦ប្រកួត PSG មាន៧៦ពិន្ទុ ខណៈក្រុមលេខ១ Lille នោះមាន៧៩ពិន្ទុ។ ការប្រកួតនៅសល់តែ២ប្រកួតទៀតទេ នឹងបិទបញ្ចប់រដូវកាលនេះហើយ៕