កៅ បូរី៖ ជំនាញប៉ះសេគឺពិបាក មិនអាចត្រឹម១ឆ្នាំ២ឆ្នាំលេងបានទេ
- 2021-05-13 08:00:00
- ចំនួនមតិ 0 | ចំនួនចែករំលែក 0
កៅ បូរី៖ ជំនាញប៉ះសេគឺពិបាក មិនអាចត្រឹម១ឆ្នាំ២ឆ្នាំលេងបានទេ
ចន្លោះមិនឃើញ
អ្នកប៉ះសេដៃទី១របស់ក្លឹបបញ្ជាការដ្ឋានអង្គរក្ស កៅ បូរី បានលើកឡើងថា ប៉ះសេជាជំនាញមួយពិបាក មិនមែនហាត់មួយឆ្នាំឬពីរឆ្នាំ អាចទៅលេងបាល់អាជីពល្អឡើយ ពោលគឺត្រូវការពេលវេលាច្រើនដុះខាត់ឱ្យកាន់តែល្អប្រសើរ។
បុរី ប្រាប់ថា ៖«បើសម្រាប់ខ្ញុំផ្ទាល់ជំនាញប៉ះសេនេះគឺពិបាកណាស់ មិនអាចត្រឹម១ឆ្នាំ២ឆ្នាំអាចទៅលេងបានទេ ព្រោះអីប៉ះសេគឺវ័យឆ្លាតជាងគេ ហើយណាមួយយើងអាចនិយាយថារេភ្លិចគឺនៅលើប៉ះសេហ្នឹង»។
អតីតកីឡាករបាល់ទះក្លឹបស្នងការខេត្តកំពង់ចាម ឆ្នាំ២០១៣ ដល់ ២០១៧ និងចូលក្លឹបអង្គរក្សនៅឆ្នាំ២០១៩ បានគូសបង្ហាញទៀតថា បាល់ស្លាប់រស់គឺនៅលើប៉ះសេ ហើយអ្នកប៉ះសេត្រូវមានភាពឆ្លាតវ័យ ក្នុងការបញ្ជូនបាល់ឱ្យស្មាត់ទាំងអស់វ៉ៃផ្ដាច់៕