បារម្ភ Fan ពេក Baekhyun ប្រាប់វិធី ៣យ៉ាង ដើម្បីគ្រប់គ្នាអាចសម្រួលចិត្តនឹកបានខ្លះ ពេលខ្លួនមិននៅជិត
- 2021-05-17 01:30:00
- ចំនួនមតិ 0 | ចំនួនចែករំលែក 0
បារម្ភ Fan ពេក Baekhyun ប្រាប់វិធី ៣យ៉ាង ដើម្បីគ្រប់គ្នាអាចសម្រួលចិត្តនឹកបានខ្លះ ពេលខ្លួនមិននៅជិត
ចន្លោះមិនឃើញ
កាលពីថ្ងៃទី០៦ ខែឧសភា គឺជាខួបថ្ងៃកំណើតរបស់ Baekhyun (EXO) ហើយក៏ជាថ្ងៃដែលលោកសម្រេចចូលបម្រើជាតិជាផ្លូវការដែរ។ ស្របពេលនេះអ្នកគាំទ្រគ្រប់គ្នាក៏កំពុងកើតចិត្តនឹក Main Vocalist ប្រចាំ EXO រូបនេះពេញទំហឹង ហើយដោយដឹងបែបនេះ ទើប Baekhyun ត្រៀមកាដូជាច្រើនសម្រាប់មនុស្សជាទីស្រឡាញ់របស់លោកទាំងអស់ ព្រមទាំងផ្ដាំផ្ញើជាច្រើនឲ្យគ្រប់គ្នាថែខ្លួនពេលលោកមិននៅជិត។
អ្វីដែលគួរឲ្យរំភើបទៀតនោះ Baekhyun បានផ្ញើទុកវីដេអូមួយសម្រាប់ Fan នោះគឺវីដេអូដែលមានចំណងជើងថា «3 Ways to wait for BH»។ ក្នុងវីដេអូសមាជិកមហារួសរាយរូបនេះ បានបង្ហាញពីវិធី ៣យ៉ាង ជួយឲ្យគ្រប់គ្នារំសាយចិត្តនឹកលោកខ្លាំង ហើយពួកគេនៅតែអាចនៅជិតទាក់ទងជាមួយលោកបានដដែល បើទោះ Idol រូបនេះឃ្លាតឆ្ងាយកាយមែន។
១. Baekhyun នឹងបង្ហោះវីដេអូក្នុង ១ខែ ១ឃ្លីបលើ YouTube Channel របស់លោក
ប្រសិនអ្នកព្រួយថានឹងបាត់ដំណឹងរបស់ Baekhyun នោះ កុំបារម្ភអី ព្រោះលោកបានត្រៀមរួចអស់ហើយ ដើម្បីធ្វើយ៉ាងណាកុំឲ្យ Fan ពិបាកចិត្តពេលលោកមិននៅ។
តាំងពីសកម្មភាពលោកអានសៀវភៅ អានលិខិតបស់ Fan ធ្វើ ASMR ឬធ្វើអ្វីផ្សេងទៀត គ្រប់គ្នានឹងនៅតែបានឃើញវីដេអូទាំងនោះ ដូចនេះពួកគេក៏នឹងរសាយអារម្មណ៍នឹកលោកបានខ្លះដែរ។
២. ស្ដាប់បទចម្រៀងទាំងអស់ពីគ្រប់អាល់ប៊ុមទោលរបស់ Baekhyun
មិនថា «City Lights», «Baekhyun» ឬអាល់ប៊ុមថ្មី «Bambi» អ្នកទាំងអស់គ្នាអាចស្ដាប់កម្សាន្តបានដោយរីករាយ ព្រោះអាល់ប៊ុមទាំងនេះមានគ្រប់ប្រភេទបទចម្រៀង ដូចនេះគ្រប់គ្នាអាចស្ដាប់បានទៅតាមការចូលចិត្ត និងអារម្មណ៍។
Baekhyun នៅឆ្លៀត Recommend បទខ្លះឲ្យ Fan ទៀតដូចជាបទ «Poppin» អ្នកអាចស្ដាប់បានពេលអ្នកសប្បាយចិត្ត, បទ «Cry For Love» ស្ដាប់នៅថ្ងៃណាដែលមិនសប្បាយចិត្ត និងបទ «Bambi» អាចស្ដាប់នៅពេលណាដែលមានអារម្មណ៍ថាឯកា។
៣. ប្រើ Hashtag #BAEKHYUNtoday លើបណ្ដាញសង្គម
រាល់ពេលអ្នកបង្ហោះអ្វីមួយ និងភ្ជាប់ Hashtag #BAEKHYUNtoday នោះ Baekhyun នឹងបានឃើញអ្វីដែលអ្នកគាំទ្រចង់បង្ហាញ បើទោះជាលោកកំពុងជាប់បំពេញតួនាទីជូនជាតិក៏ដោយ។
ការបារម្ភ ការគិតគូរទាំងនេះកាន់តែធ្វើឲ្យអ្នកគាំទ្របង្កើនក្ដីស្រឡាញ់ចំពោះ Baekhyun កាន់តែខ្លាំង ព្រោះអ្នកណាក៏ដឹងថាគ្រប់វិនាទី តារាប្រុសរូបនេះគិតពី Fan កម្រិតណា ដួចពេលនេះជាដើម ប៉ុន្តែតាមរយៈ Tips ទាំង ៣ខាងលើនេះ សង្ឃឹមថាគ្រប់គ្នាអាចអនុវត្តបាន ហើយអាចរសាយចិត្តនឹករលឹកបានខ្លះ៕