អាយុកាលកុងត្រាដំបូងរបស់ក្រុម K-Pop នារីទាំងនេះជាមួយក្រុមហ៊ុន នឹងត្រូវចប់នៅឆ្នាំ ២០២១

2021-05-21 02:15:31
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីភ្ញាក់ផ្អើលនឹងដំណឹងពីការរំសាយក្រុម GFRIEND ដែលសម្រេចមិនបន្តកុងត្រាជាមួយនឹងក្រុមហ៊ុន Source Music ថ្មីៗនេះ ចំណាប់អារម្មណ៍របស់មហាជនក៏កើនឡើងទាក់ទងនឹងអនាគតរបស់ក្រុមចម្រៀងនារីផ្សេងទៀតដែលបង្កើតនៅឆ្នាំ ២០១៤ និង២០១៥។ ដោយសារឈានចូលឆ្នាំ ២០២១នេះ កុងត្រារបស់ពួកគេក៏ត្រូវដល់ពេលជិតផុតកំណត់ដែរ។

១. Red Velvet

ក្នុងក្រុមមាន Irene, Seulgi, Wendy, Joy និង Yeri ដែលផ្ដុំគ្នាបានជា Red Velvet ក្រុមចម្រៀងដែលបង្កើតកាលពីឆ្នាំ ២០១៤។ នៅឆ្នាំនេះ ក្នុងនោះ Irene, Seulgi, Wendy និង Joy ត្រូវដល់ពេលពិភាក្សាគិតគូរ មុនសម្រេចបន្តកុងត្រា ឬយ៉ាងជាមួយនឹងផលិតកម្ម SM ដោយសារសុទ្ធតែ Debut ដំណាលគ្នា លើកលែង Yeri ដែលចូលក្រុមនៅឆ្នាំ ២០១៥ ដូចនេះកុងត្រានាងនៅសល់មួយឆ្នាំទៀត។

២. TWICE

ពួកគេបង្កើតនៅឆ្នាំ ២០១៥ ហើយឆ្នាំនេះក៏គ្រប់ពេលក្រុមត្រូវគិតគូរ រឿងកុងត្រាជាមួយនឹងក្រុម អាចនឹងចុងឆ្នាំនេះដែរ។ ទោះជាយ៉ាងណា អ្នកគាំទ្រជឿជាក់ថាក្រុមនេះទំនងជាបន្តកុងត្រាជាមួយនឹង JYP ស្របពេលពួកគេក៏ជាក្រុមនារីដែលមានឥទ្ធិពលក្នុងប្រទេសកូរ៉េ ហើយ JYP ក៏មិនដែលខកខានក្នុងការចេញបទថ្មីសម្រាប់ក្រុមដែរ។

៣. APRIL

APRIL បង្កើតនៅឆ្នាំ ២០១៥ ខែសីហា ហើយឈានដល់ពាក់កណ្ដាលឆ្នាំ ២០២១ ក៏ខិតជិតទៅរកកាលកំណត់ដែលកុងត្រារបស់ក្រុមនេះជិតអស់ ស្របពេលនេះ APRIL ក៏ស្ងាត់បទចេញទៀត មិនឃើញមានសកម្មភាពណាមួយលេចឡើងឡើយ ជាហេតុមហាជនជាច្រើននាំគ្នាគិតគូរថា ក្រុមអាចនឹងមិនបន្តកុងត្រាជាមួយនឹងផលិតកម្ម DSP Mediaទេ។ ម្យ៉ាងកន្លងមកក៏តែងមានរឿងច្រើនបែកធ្លាយជាបន្តបន្ទាប់ពីកង្វះការមើលថែសម្រាប់ក្រុមនេះ រហូតកើតចេញជាមានរឿងច្រើន។

៤. Oh My Girl

ក្រុមនេះបង្កើតនៅ ខែមេសា ឆ្នាំ២០១៥ ប៉ុន្តែកេរ្តិ៍ឈ្មោះរបស់ក្រុមស្រាប់តែហក់ឡើងខ្លាំង នៅឆ្នាំ ២០២០ ពេលចេញបទ «NONSTOP»។ ទោះជាយ៉ាងណា ពេលនេះក៏ឈានដល់ពាក់កណ្ដាលឆ្នាំ២០២១ ហើយ២០២២ កំពុងត្រៀមខ្លួនចូលមក ដូចនេះគ្រប់គ្នានៅមិនទាន់ដឹងថាក្រុមនេះនឹងសម្រេចយ៉ាងណាទាក់ទងនឹងការបន្តកុងត្រាបន្តជាមួយនឹងក្រុមហ៊ុន។

៥. CLC

ក្រុមនេះបង្កើតដំបូងនៅខែមីនា ឆ្នាំ ២០១៥ ហើយក៏ជាក្រុមមួយទៀតដែល ត្រូវដល់ពេលពិចារណាពីកុងត្រារបស់ខ្លួនជាមួយនឹងផលិតកម្ម CUBE។

៦. Lovelyz

Lovelyz បង្កើតនៅខែវិច្ឆិកា ឆ្នាំ២០១៤ ហើយតាមកំណត់ កុងត្រាពួកគេនឹងត្រូវចប់នៅរដូវក្ដៅឆ្នាំនេះ។ ស្របពេលឈានដល់ពាក់កណ្ដាលឆ្នាំទៅហើយ ដូចជាស្ងាត់មិនទាន់លេចឭដំណឹងពីការ Comeback ដូច្នេះវាពិតជាធ្វើឲ្យមហាជនឆ្ងល់ មិនដឹងថាពួកគេសម្រេចយ៉ាងណាជាមួយនឹងកុងត្រាថ្មីនោះទេ៕

ប្រភព៖ kpopstarz ប្រែសម្រួល៖ យី សុធារី