Zidane៖ Real អាចនឹងល្អជាងនេះ ដោយមិនមានខ្ញុំ
- 2021-05-21 12:20:43
- ចំនួនមតិ 0 | ចំនួនចែករំលែក 0
Zidane៖ Real អាចនឹងល្អជាងនេះ ដោយមិនមានខ្ញុំ
ចន្លោះមិនឃើញ
លោក Zinedine Zidane គ្រូបង្គោលក្លឹប Real Madrid បានលើកឡើងប្រាប់សន្និសីទកាសែតមុនការប្រកួតប៉ះនឹងក្លឹប Villareal កាលពីថ្ងៃសុក្រនេះថា ក្លឹបដែលមានមូលដ្ឋាននៅរាជធានីម៉ាឌ្រីដមួយនេះ អាចនឹងល្អជាងនេះ ប្រសិនបើគ្មានរូបលោក។
មានសំណួរជាច្រើនសួរអំពីអនាគតរបស់លោកជាមួយក្លឹប Real Madrid ហើយលោក Zidane បានបដិសេធមិនឆ្លើយសំណួរអស់ទាំងនោះ។ ស្រាប់តែមានសំណួរមួយសួរថា ក្លឹប Real Madrid អាចនឹងល្អជាងនេះ ដោយគ្មានលោក Zidane ឬយ៉ាងណា។
ភ្លាមៗនោះលោកក៏បានឆ្លើយតបថា៖ "ប្រាកដណាស់!''។ តែលោកឆ្លើយខ្លីត្រឹមហ្នឹង និងមិនផ្ដល់នូវមូលហេតុផ្សេងៗនោះទេ។
ក្លឹប Real Madrid កំពុងតែឈរនៅចំណាត់ថ្នាក់លេខ ២ ដោយមាន ៨១ពិន្ទុនៅតារាងលីគកំពូលអេស្ប៉ាញ La Liga ដោយក្លឹបនេះនៅក្រោម Atletico Madrid តែ ២ពិន្ទុប៉ុណ្ណោះ។ ចំណែកឯ Barcelona វិញកំពុងតែឈរលេខ ៣ ដោយមាន ៧៦ពិន្ទុ៕