អបអរ! AC Milan វិលមក Champions League ជាលើកដំបូងក្នុងរយៈពេល៧ឆ្នាំ
- 2021-05-24 02:12:57
- ចំនួនមតិ 0 | ចំនួនចែករំលែក 0
អបអរ! AC Milan វិលមក Champions League ជាលើកដំបូងក្នុងរយៈពេល៧ឆ្នាំ
ចន្លោះមិនឃើញ
ក្លឹប AC Milan នឹងវិលត្រឡប់មកលេងពានរង្វាន់ Champions League វិញ បន្ទាប់ពីពួកគេបានយកឈ្នះ Atalanta ២-០ យកបានតំណែងលេខ២ក្នុងតារាងពិន្ទុ Serie A រដូវកាលនេះ។
ជ័យជម្នះនេះ Milan បានទម្លាក់ Atalanta មកកាន់លេខ៣ ចំណែកឯខ្លួនឯងឡើងលេខ២ ខុសគ្នាតែមួយពិន្ទុប៉ុណ្ណោះ។ Milan បាននាំមុខកំពូលតារាង Serie A អស់ជាច្រើនខែដែរ ប៉ុន្តែប៉ុន្មានប្រកួតចុងក្រោយពួកគេធ្វើមិនបានល្អ វិះនឹងអស់ឱកាសបានទៅលេងនៅ UCL ទៅទៀត ប្រសិនបើចាញ់នៅណាត់ប្រកួតចុងក្រោយនេះ។
លោក Stefano Pioli អ្នកចាត់ការរបស់ Milan បាននិយាយថា ក្រុមរបស់ខ្លួនសមទទួលបានលេខ២ និងបានលេងនៅ Champions League ណាស់។ AC Milan បានលេងនៅពាន UCL ចុងក្រោយនៅរដូវកាល២០១៣-១៤។ នេះមានន័យថា រយៈពេល៧ឆ្នាំគត់ដែលពួកគេអាចវិលមកលេងពាននេះម្ដងទៀត៕