Man Utd បារម្ភខ្លាច Rashford មិនបានលេងនៅរដូវកាលក្រោយ

2021-06-06 03:32:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបិសាចក្រហម Manchester United បានបង្ហាញក្ដីបារម្ភថាខ្សែប្រយុទ្ធ Marcus Rashford អាចនឹងខកខានការប្រកួតលីគកំពូលអង់គ្លេសរដូវកាលក្រោយ ព្រោះតែបញ្ហារបួស។

បើតាមការចុះផ្សាយរបស់សារព័ត៌មាន The Mirror ខ្សែប្រយុទ្ធវ័យ២៣ឆ្នាំ លេងនៅលីគកំពូលអង់គ្លេសទាំងមានរបួសជើងនិងស្មា ប៉ុន្តែមិនទាន់បានវះកាត់ឡើយ រងចាំរហូតដល់អង់គ្លេសលេងចប់ពាន Euro 2020។ Rashford នឹងត្រូវវះកាត់របួសមួយក្នុងចំណោមពីរ ហើយបើតាមដំណឹងច្បាស់ការគេទំនងវះកាត់ជើងមុន។

នៅលីគកំពូលអង់គ្លេស Rashford បង្ហាញខ្លួនបាន៥៧ប្រកួតឱ្យ United ហើយពេលនេះគេមានភារៈកិច្ចដ៏សំខាន់មួយទៀត គឺត្រូវជួយប្រទេសអង់គ្លេសលេងពាន Euro 2020 ដែលនឹងចាប់ផ្ដើមនៅថ្ងៃទី១១ ខែមិថុនា ឆ្នាំ២០២១ មុនរដូវកាលថ្មីចាប់ផ្ដើមថ្ងៃទី១៤ សីហា ឆ្នាំ២០២១ខាងមុខ។

តាមកាលវិភាគលេងដ៏មមាញឹកនេះ ត្រូវបានគេមើលឃើញថា កីឡាកររូបនេះនឹងមិនមានពេលគ្រប់គ្រាន់ និងជាទាន់ពេលវេលាឡើយ៕

អត្ថបទ៖ អ៊ុំ សុភក្តិ