មហាសេដ្ឋីស៊ុយអែត ម្នាក់ដេញថ្លៃទិញក្លឹប Arsenal តម្លៃ២ពាន់លានផោន

2021-06-09 03:34:34
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Daniel Ek ដែលត្រូវបានគេស្គាល់ថាជាមហាសេដ្ឋីសញ្ជាតិស៊ុយអែត បានដាក់ដេញថ្លៃយកក្លឹបកាំភ្លើងធំ Arsenal ហើយ ក្នុងតម្លៃប្រមាណជា២ពាន់លានផោនឯណោះ។

លោក Daniel Ek

លោក Ek បានដាក់ដេញថ្លៃទិញក្លឹបខាងលើនេះម្ដងមកហើយ កាលពីខែមុនក្នុងតម្លៃ១,៨ពាន់លានផោន ប៉ុន្តែត្រូវបានម្ចាស់ដើមគ្រួសារ Kroenkes ច្រានចោល។ ដោយគ្រានោះពួកគេ បានអះអាងថាមិនត្រូវការលុយ រហូតដល់ថ្នាក់លក់ក្លឹបនោះទេ។ តែដោយសារតែចិត្តស្រលាញ់ លោក Ek នឹងដាក់ដេញថ្លៃម្ដងទៀតនៅពេលឆាប់ៗនេះ។ ដោយត្រូវបានគេដឹងថាលើកទី២នេះ នឹងមានតម្លៃ២ពាន់លានផោនតែម្ដង។

គ្រួសារ Kroenkes

លោក Ek បានបញ្ជាក់ថាលោកជាអ្នកគាំទ្រក្រុម Arsenal តាំងពីអាយុ៨ឆ្នាំម្ល៉េះ។ ដោយសារមើលឃើញថាក្លឹបបច្ចុប្បន្នកំពុងពិបាក និងធ្វើមិនបានល្អ ទើបលោកចង់យកធនធានដែលមាន ស្រោចស្រង់ក្លឹបនេះឡើងវិញ។ ដោយរំពឹងថានឹងចំណាយពេលប៉ុន្មានឆ្នាំខាងមុខ ជួយក្លឹបឱ្យខ្លាំងនិងទទួលបានតំណែងដែលខ្លួនធ្លាប់នៅកន្លងមកវិញ៕