Mourinho៖ ខ្ញុំឈ្នះពានសរុប ២៥ពាន និងកន្លះ!

2021-06-09 12:31:10
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jose Mourinho គ្រូបង្គោលក្លឹប Roma បាននិយាយប្រាប់សារព័ត៌មាន The Sun កាលពីពេលថ្មីៗនេះថា លោកឈ្នះពាននៅក្នុងអាជីពជាគ្រូបង្វឹករបស់លោកសរុប ២៥ពានកន្លះ ដោយកន្លះនោះរាប់ទាំងកិច្ចខិតខំប្រឹងប្រែងរបស់លោកក្នុងការជួយឲ្យក្លឹប Tottenham Hotspur ឡើងវគ្គផ្ដាច់ព្រ័ត្រ League Cup តែលោកមិនបានដឹកនាំការប្រកួតនោះ ដោយសារតែខាងក្លឹបប្រកាសចែកផ្លូវគ្នា។

លោកបានលើកឡើងថា៖ " ពេលដែលអ្នកសួរខ្ញុំថា តើខ្ញុំឈ្នះពានប៉ុន្មានក្នុងអាជីព នោះខ្ញុំនឹងប្រាប់ថា ខ្ញុំឈ្នះពាន ២៥កន្លះ។ កន្លះទៀតគឺសំដៅលើប្រកួតវគ្គផ្ដាច់ព្រ័ត្រ ដែលខ្ញុំមិនបានដឹកនាំនៅ Spurs '' ។

លោកបានបន្ថែមថា៖ " រឿងកន្លះពានហ្នឹងគួរឲ្យល្អសើចដែរ ព្រោះអីវាជាស្លាកស្នាមមួយនៅក្នុងអាជីពរបស់ខ្ញុំ ដែលមិនបានលេងវគ្គផ្ដាច់ព្រ័ត្រ ដែលខ្ញុំមានសិទ្ធិទៅលេងនោះ " ។

Spurs បានចាញ់ក្លឹប Manchester City ក្នុងប្រកួតវគ្គផ្ដាច់ព្រ័ត្រនៃពាន League Cup ក្នុងលទ្ធផល ១ ទល់នឹង ០ កាលពីថ្ងៃទី២៥ ខែមេសា ខណៈលោក Mourinho ត្រូវបានបញ្ចប់ការងារនៅពាក់កណ្ដាលខែមេសាដូចគ្នា៕

ប្រភព៖ Goal ប្រែសម្រួល៖ ហ៊ីម រស្មី