គ្រូអ៊ីតាលី ថាប៉ះក្រុមស្វីស មិនងាយស្រួលឈ្នះនោះទេ

2021-06-16 08:23:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិអ៊ីតាលី នឹងត្រូវប៉ះជាមួយក្រុមជម្រើសជាតិស្វីស សម្រាប់ការប្រកួតវគ្គសន្សំពិន្ទុតាមពូលពានរង្វាន់ Euro នៅម៉ោង២រំលងអាធ្រាត្រនេះ។

ក្រុមជម្រើសជាតិអ៊ីតាលី បើកការប្រកួតដំបូងរបស់ពួកគេបានល្អណាស់ ដោយយកឈ្នះលើក្រុមទួរគី បានក្នុងលទ្ធផល ៣-០ ឯណោះ។ ខណៈដែលក្រុមស្វីសវិញ បានត្រឹមស្មើជាមួយក្រុមវែលក្នុងលទ្ធផល ១-១ ទេ។ ស្របពេលក្រុមរបស់លោក Mancini បច្ចុប្បន្នកំពុងកាន់កំណត់ត្រាល្អណាស់ បិតដៃគូប្រកួតមិនឱ្យគេស៊ុតចូល៩ប្រកួតជាប់គ្នាមកហើយ។

ក្នុងឱកាសមុនការប្រកួតឆាប់ឆ្នើម អ្នកចាត់ការល្បីឈ្មោះខាងលើបាននិយាយថា៖ “ការប្រកួតជាមួយស្វីសនឹងក្លាយជាការប្រកួតលំបាក ពួកគេជាក្រុមល្អមួយជាមួយកីឡាករជាច្រើនដែលយល់ពីការលេង។ គ្រូបង្វឹករបស់គេក៏មានបទពិសោធច្រើន យើងរំពឹងថានេះជាការប្រកួតស្វិតស្វាញមួយ”៕

ប្រភព៖ www.afp.com អត្ថបទ៖ វិធាវី