ឃើញស្ថិតិនេះ ទើបដឹងថាអ៊ីតាលីក៏ជាក្រុមភាគរយច្រើនឈ្នះ Euro 2020 ដែរ

2021-06-17 01:44:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិអ៊ីតាលី បានឡើងទៅវគ្គ១៦ក្រុមចុងក្រោយពានរង្វាន់ Euro 2020 មុនគេហើយ បន្ទាប់ពីពួកគេបានបំបាក់ក្រុមស្វីសក្នុងលទ្ធផល ៣-០ ឯណោះ។

ការធ្វើបានល្អនេះដែរ បានធ្វើឱ្យអ្នកគាំទ្រភ្ញាក់ផ្អើលជាខ្លាំងជាមួយទម្រង់លេងដ៏រឹងមាំរបស់ពួកគេ។ ជាក់ស្ដែងនៅ Euro ២ប្រកួតមកនេះ ពួកគេរកបាន៦គ្រាប់ ដោយឈ្នះទួរគី ៣-០ និងឈ្នះស្វីសយប់មិញនេះ ៣-០ ដែរ។ ដោយឡែកបើមើលកំណត់ត្រារបស់ក្រុមលោក Mancini នេះវិញ ទើបញ៉ាក់សាច់តែម្ដង។

ពួកគេលេង២៩ប្រកួតមកហើយ មិនទាន់ស្គាល់បរាជ័យនោះទេ។ ១០ប្រកួតចុងក្រោយ Cleansheet មិនមានក្រុមណាអាចស៊ុតអ៊ីតាលីចូលឡើយ។ ខណៈដែល១០ប្រកួតមកនេះ រកបាន៣១គ្រាប់ គ្មានរបូត១គ្រាប់ឡើយ។ ខណៈដែលត្រឹមប្រកួតនេះ ខ្សែការពារ Leonardo Spinazzola របស់អ៊ីតាលី កាន់កំណត់ត្រារត់ល្បឿនលឿនជាងគេ ៣៣,៨គីឡួម៉ែត្រក្នុងមួយម៉ោងផងដែរ៕

ប្រភព៖ www.afp.com អត្ថបទ៖ វិធាវី