ដំណឹងល្អ! ដើម្បីសេវា 4G LTE ល្អជាងមុន Smart សាងសង់ស្ថានីយ៍ ៣០០ ទីតាំងថ្មីបញ្ចប់រួចរាល់
- 2021-07-06 11:04:34
- ចំនួនមតិ 0 | ចំនួនចែករំលែក 0
ដំណឹងល្អ! ដើម្បីសេវា 4G LTE ល្អជាងមុន Smart សាងសង់ស្ថានីយ៍ ៣០០ ទីតាំងថ្មីបញ្ចប់រួចរាល់
ចន្លោះមិនឃើញ
ក្រុមហ៊ុន Smart Axiata ដែលជាប្រតិបត្តិករទូរគមនាគមន៍ចល័តឈានមុខគេនៅកម្ពុជា បានពង្រីកសេវាគ្របដណ្ដប់បណ្តាញ 4G របស់ខ្លួននៅតាមបណ្ដាខេត្ត-រាជធានីក្នុងប្រទេសកម្ពុជា ដោយមានស្ថានីយ៍ទីតាំងជាង ៣០០ កន្លែងត្រូវបានដាក់ពង្រាយអំឡុងពេល ៦ ខែក្នុងឆ្នាំ២០២១ ដែលជាផ្នែកមួយនៃគម្រោងវិនិយោគហេដ្ឋារចនាសម្ព័ន្ធនៃបណ្ដាញទូរគមនាគមន៍របស់ខ្លួនដែលមានទឹកប្រាក់ច្រើនជាង ៩០ លានដុល្លារ។
តាមរយៈបណ្ដាញទូរគមនាគមន៍ចំនួន ៣០០ ទីតាំងថ្មីទាំងអស់នេះធ្វើឲ្យសេវាគ្របដណ្ដប់បណ្តាញ4G LTE តាមបណ្ដាខេត្តចំនួន ៩ និងបទពិសោធន៍នៃទំនាក់ទំនងរបស់ក្រុមហ៊ុន Smart កាន់តែប្រសើរឡើង។
ក្នុងចំណោមទីតាំងថ្មីចំនួន ៣០០ កន្លែងមានទីតាំងចំនួន ៧៨ កន្លែងត្រូវបានសាងសង់ និងដាក់ដំណើរការក្នុងខេត្តសៀមរាប ចំនួន ៣៧ ទីតាំងក្នុងខេត្តកំពង់ចាម ចំនួន៣៩ ទីតាំងក្នុងខេត្តបាត់ដំបង ចំនួន២៤ ទីតាំងក្នុងខេត្តបន្ទាយមានជ័យ ចំនួន១៧ ទីតាំងក្នុងខេត្តកំពង់ស្ពឺ ចំនួន៣៣ ទីតាំងក្នុងខេត្តត្បូងឃ្មុំ ចំនួន២៥ ទីតាំងក្នុងខេត្តព្រៃវែង ចំនួន២៤ ទីតាំងក្នុងខេត្តកំពង់ធំ ចំនួន២៣ ទីតាំងក្នុងខេត្តស្វាយរៀង និងចំនួន ៩ ទីតាំងក្នុងខេត្តក្រចេះ។
នេះជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន Smart ដើម្បីពង្រីកវិសាលភាពសេវា4Gឲ្យទូលំទូលាយ អតិថិជនដែលកំពុងប្រើប្រាស់ស៊ីមកាត 3G អាចប្ដូរស៊ីមកាត3G ទៅស៊ីមកាត4G ដោយឥតគិតថ្លៃនៅតាមសាខា Smart Shop ឫភ្នាក់ងារចែកចាយក្រុមហ៊ុន Smart ។
អតិថិជនអាចរីករាយជាមួយការផ្ដល់ជូនពិសេស នៃសេវា 4G លើទូរស័ព្ទស្មាតហ្វូនដោយអាចសន្សំទឹកប្រាក់យ៉ាងច្រើនរហូតដល់ទៅ ២៧០ដុល្លា ដែលជាផ្នែកមួយនៃកម្មវិធីប្រូម៉ូសិនទូរស័ព្ទ។
ដើម្បីអាចចូលរួមក្នុងកម្មវិធីនេះអតិថិជនគ្រាន់តែយកទូរស័ព្ទរបស់ពួកគេទៅសាខា Smart Shop ហើយប្តូរឧបករណ៍អេឡិចត្រូនិករបស់ខ្លួនដោយជ្រើសរើសប្ដូរទូរស័ព្ទស្មាតហ្វូនណាមួយដែលខ្លួនពេញចិត្ត។
នៅតាមបណ្តាខេត្តនានាដែលក្រុមហ៊ុន Smart បានពង្រីកវិសាលភាពសេវា 4G របស់ខ្លួនដូចជា ខេត្តកំពង់ចាម ខេត្តបាត់ដំបង ខេត្តបន្ទាយមានជ័យ ខេត្តកំពង់ស្ពឺ ខេត្តត្បូងឃ្មុំ ខេត្តព្រៃវែង ខេត្តកំពង់ធំ ខេត្តស្វាយរៀង និងខេត្តក្រចេះ អតិថិជនរបស់ក្រុមហ៊ុន Smart ក៏អាចរីករាយជាមួយទិន្នន័យអិុនធឺណិតឥតគិតថ្លៃចំនួន 1GB ផងដែរ ដែលមានសុពលភាពរយៈពេល ៥ថ្ងៃ និងមានទឹកប្រាក់ក្នុងប្រពន័្ធស្មើចំនួន ៩០០ ដុល្លារដោយមានសុពលភាពរយៈពេល ៣ខែ ដោយពួកគេអាចស្វែងរកបានក្នុងកម្មវិធី SmartNas រហូតដល់ថ្ងៃទី ៣១ ខែកក្កដា។
សម្រាប់អតិថិជនថ្មីទាំងអស់ដែលចង់រីករាយជាមួយនឹងបណ្ដាញទូរគមនាគមន៍ដែលត្រូវបានពង្រឹងគុណភាពរបស់ក្រុមហ៊ុន Smart ពួកគេអាចទទួលបានការបញ្ចុះតម្លៃ ៥០ភាគរយ ចំពោះលេខពិសេសរបស់ក្រុមហ៊ុន Smart ដែលមានតម្លៃរហូតដល់ ៥៤ ដុល្លានៅតាមសាខា Smart Shop ឫ ភ្នាក់ងារចែកចាយក្រុមហ៊ុន Smart ទូទាំងប្រទេសកម្ពុជា រហូតដល់កាលបរិច្ឆេទដូចគ្នាអាស្រ័យលើខេត្តរបស់ពួកគេ។
លោក Thomas Hundt (ថូម៉ាស ហ៊ុន) នាយកប្រតិបត្តិក្រុមហ៊ុន Smart Axiata មានប្រសាសន៍ថា៖ «នៅក្រុមហ៊ុន Smart យើងសម្លឹងឃើញខ្លួនឯងជាក្រុមហ៊ុនដ៏សំខាន់ដែលអាចជម្រុញសក្ដានុពលឌីជីថលនៅកម្ពុជា ដែលអាចធ្វើឱ្យប្រព័ន្ធទំនាក់ទំនងលឿនរហ័ស និងមិនលំបាកសម្រាប់អ្នកប្រើប្រាស់នៅក្នុងព្រះរាជាណាចក្រកម្ពុជាមិនថាពួកគេរស់នៅទីណាក៏ដោយ។ ដោយបញ្ជាក់អំពីការប្ដេជ្ញាចិត្តរបស់យើងទៅលើការវិនិយោគលើហេដ្ឋារចនាសម្ព័ន្ធនៃបណ្ដាញទូរគមនាគមន៍ដែលអនុញ្ញាតឲ្យប្រទេសកម្ពុជារក្សាការទំនាក់ទំនងគឺជាកត្ដាដ៏សំខាន់នាពេលនេះ ដោយពួកយើងភាគច្រើនពឹងផ្អែកលើការទំនាក់ទំនងជាងពេលណាៗទាំងអស់ ដើម្បីសិក្សា និងរក្សាទំនាក់ទំនងជាមួយមិត្តភក្តិ និងក្រុមគ្រួសារ។»
លោក ថូម៉ាស បានបន្ថែមទៀតថា ៖ «ខណៈពេលបន្តការវិនិយោគជំរុញល្បឿនលឿនទៅលើសេវា 4G ទីតាំងបណ្ដាញទូរគមនាគមន៍ថ្មីជាច្រើនផ្សេងទៀត នឹងតូ្រវបានគ្រោងដាក់ពង្រាយនៅប៉ុន្មានខែខាងមុខនេះ យើងក៏កំពុងទទឹងរង់ចាំជាមួយនឹងក្ដីរំភើប ដើម្បីដាក់ដំណើរការសេវាបច្ចេកវិទ្យា 5G នៅក្នុងប្រទេសកម្ពុជាផងដែរ»៕
សម្រាប់ព័ត៌មានបន្ថែម សូមតាមដានទំព័រហ្វេសប៊ុករបស់ក្រុមហ៊ុន Smart Axiata តាមរយៈ www.facebook.com/smartaxiata ឬចូលទៅកាន់គេហទំព័រ www.smart.com.kh។
ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។
ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។
ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង 4.5G ក្នុងឆ្នាំ២០១៧។
នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។
ក្រុមហ៊ុន Smart ក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។
ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Apple និង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវ័យ សេវា PiPay សេវា Pleng by Smart សេវា GigaGigs by Smart សេវា Pi Pay និងសេវា SmartNas។
ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។
ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង។ Smart ជីវិតរស់រវើក