Mancini គោរព អេស្ប៉ាញលេងបានល្អ គ្រប់គ្រងបាល់បានច្រើន
- 2021-07-07 01:49:17
- ចំនួនមតិ 0 | ចំនួនចែករំលែក 0
Mancini គោរព អេស្ប៉ាញលេងបានល្អ គ្រប់គ្រងបាល់បានច្រើន
ចន្លោះមិនឃើញ
ក្រុមបាល់ទាត់ជម្រើសជាតិអ៊ីតាលី បានឡើងទៅវគ្គផ្ដាច់ព្រ័ត្រពានរង្វាន់ Euro 2020 ហើយ បន្ទាប់ពីពួកគេបានយកឈ្នះក្រុមអេស្ប៉ាញដោយបាល់កាត់សេចក្ដី១១ម៉ែត្រ ៤-២ ក្រោយស្មើគ្នា ១-១ នៅម៉ោងលេង១២០នាទី។
សម្រាប់ការប្រកួតនេះដែរ អ៊ីតាលីបើកការនាំមុខមុន ប៉ុន្តែក៏ត្រូវអេស្ប៉ាញតាមស្មើវិញបានដែរ។ និយាយពីការប្រកួតជារួមវិញ ឃើញថាក្រុមអេស្ប៉ាញធ្វើបានល្អជាង និងបង្កើតឱកាសបានច្រើន។ ពួកគេមានស្ថិតិគ្រប់គ្រងបាល់ដល់ទៅ ៦៥% ឯណោះ ខណៈដែលអ៊ីតាលីវិញមានត្រឹម៣៥%ប៉ុណ្ណោះ។
ក្រោយពីចប់ការប្រកួត លោក Roberto Mancini បានបង្ហាញចំណាប់អារម្មណ៍ថា៖ “ពីមុនមកស្ទើរតែគ្មានអ្នកជឿថាយើងធ្វើបាននោះទេ រហូតដល់យើងឡើងមកវគ្គផ្ដាច់ព្រ័ត្រនេះ។ តាំងពីថ្ងៃដំបូងមកហើយ យើងបានផ្ដល់ភាពជឿជាក់លើខ្លួនឯង និងនៅសល់១ប្រកួតទៀតប៉ុណ្ណោះយើងជោគជ័យហើយ។ អេស្ប៉ាញ បានធ្វើឱ្យយើងឈឺចាប់នៅយប់មិញ ពួកគេគ្រប់គ្រងបាល់បានច្រើន ខ្ញុំពិតជាគោរពដល់ក្រុមអេស្ប៉ាញណាស់”៕