ថ្នាក់ដឹកនាំ Dortmund នៅតែជឿជាក់ថា Haaland មិនចាកចេញ
- 2021-07-14 11:41:28
- ចំនួនមតិ 0 | ចំនួនចែករំលែក 0
ថ្នាក់ដឹកនាំ Dortmund នៅតែជឿជាក់ថា Haaland មិនចាកចេញ
ចន្លោះមិនឃើញ
ក្លឹបអាល្លឺម៉ង់ Borussia Dortmund នៅតែជឿជាក់ថា ខ្សែប្រយុទ្ធន័រវែសកីឡាករ Erling Haaland នៅតែបន្តនៅជាមួយក្លឹប ទោះជាមានពាក្យចចាមអារ៉ាមនានាក៏ដោយ។ នេះបើតាមការលើកឡើងរបស់លោក Sebastian Kehl អ្នកទទួលបន្ទុកបាល់ទាត់ឈុតធំរបស់ក្លឹបប្រាប់សារព័ត៌មាន Sky Germany កាលពីថ្ងៃអង្គារកន្លងទៅ។
លោកបានលើកឡើងថា៖ " គ្មានអ្វីថ្មីទេលើរឿងនេះ។ Haaland នៅតែនៅជាមួយយើង ហើយគេនឹងត្រលប់មកក្លឹបវិញនៅសប្ដាហ៍ក្រោយ។ គេចង់លេងបាល់ទាត់ ហើយគេស្រណុកចិត្តជាមួយពួកយើង ហើយនឹងរកបានច្រើនគ្រាប់ " ។
យោងតាមសារព័ត៌មាន Goal បានឲ្យដឹងថា Chelsea បានចុះកុងត្រាជាមួយក្លឹប និងតំណាងកីឡាកររូបនេះហើយ ហើយមានរបាយការណ៍មួយចំនួនបានឲ្យដឹងថា ក្លឹបតោខៀវអាចនឹងចាយអស់ ២០៨លានដុល្លារអាមេរិកទៀតផង៕