គូនេះក៏ល្អមើលដែរ បឺត សង្ឃឹម ប៉ះ អេ ណារ័ត្ន វគ្គជម្រុះខ្សែក្រវាត់

2021-07-22 09:05:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ការប្រកួតចាញ់ធ្លាក់កម្មវិធីខ្សែក្រវាត់របស់ PNN សប្ដាហ៍នេះក៏មានគូចាប់អារម្មណ៍ និងល្អមើលផងដែររវាង បឺត សង្ឃឹម និង អេ ណារ័ត្ន អ្នកដែលចាញ់ត្រូវអស់ឱកាសត្រឹមនេះហើយ។

បឺត សង្ឃឹម ប្រកួតកន្លងទៅ

គូពិសេសខាងលើនេះនឹងជក់ចិត្តសម្រាប់អ្នកគាំទ្រ ព្រោះគ្មានឱកាសបន្តក្នុងកម្មវិធីដណ្ដើមខ្សែក្រវាត់ និងប្រាក់១ម៉ឺនដុល្លារនេះទៀតទេបើចាញ់ថ្ងៃអាទិត្យនេះ ដូច្នេះហើយទាំង បឺត សង្ឃឹម និង ណារ័ត្ន សុទ្ធតែមានបំណងចង់ទៅបន្តដូចគ្នា។

មួយរយៈនេះ បឺត សង្ឃឹម ចាញ់តែ ធន់ អេឡៃ ១ដង ប៉ុណ្ណោះក្រៅពីនោះឈ្នះ ធន់ ផានិត ឈ្នះ វ៉ាន់ វឿន ដូច្នេះការប្រកួតរបស់គេគឺល្អមួយរយៈពេលនេះ។ ចំណែក អេ ណារ័ត្ន វិញហាក់រៀងធ្លាក់ប៉ុន្មានខែនេះ មិនសូវជាកាក់កបប៉ុន្មានឡើយ។ ម្នាក់វ៉ៃបុក ម្នាក់វ៉ៃក្បាច់ដូច្នេះជឿជាក់ថានឹងល្អមើលសម្រាប់គូនេះ។

អេ ណារ័ត្ន (រូបភាពលើហ្វេសបុក ណារ័ត្ន)

រំលឹកដែរថា ការប្រកួតចាញ់ធ្លាក់រវាង បឺត សង្ឃឹម និង អេ ណារ័តុ្ន នេះនឹងធ្វើឡើងនៅថ្ងៃអាទិត្យ ទី២៥ ខែកក្កដា ២០២១ នៅសង្វៀន PNN។ អ្នកឈ្នះបានឡើងទៅវគ្គបន្តដើម្បីឆ្ពោះទៅរកខ្សែក្រវាត់ទម្ង់ ៥៧គីឡូក្រាម អមដោយទឹកប្រាក់១ម៉ឺនដុល្លារ៕

អត្ថបទ៖ នួន ស៊ីណា