Liverpool កំពុងជាប់គាំងទិញកីឡាករបរទេសចូល ដោយសារតែបញ្ហាមួយនេះ
- 2021-07-26 03:58:25
- ចំនួនមតិ 0 | ចំនួនចែករំលែក 0
Liverpool កំពុងជាប់គាំងទិញកីឡាករបរទេសចូល ដោយសារតែបញ្ហាមួយនេះ
ចន្លោះមិនឃើញ
Liverpool នឹងមិនអាចនាំចូលកីឡាករបរទេសបានឡើយ រហូតដល់ពួកគេលក់កីឡាករដែលមិនមែនសញ្ជាតិអង់គ្លេសចោលមួយចំនួនសិន។
ក្នុងរដូវកាលនេះក្រុមលោក Jurgen Klopp ទើបតែទិញបានខ្សែការពារ Ibrahima Konate សញ្ជាតិបារាំងពីក្លឹប RB Leipzig។ សម្រាប់ការវិលត្រឡប់របស់កីឡាករជប៉ុន Takumi Minamino ពីការខ្ជីជើងពីក្លឹប Southampton មានន័យថា ចំនួនកីឡាករបទេសដែលកំណត់ឲ្យមានក្នុងក្រុមគឺពេញតែម្ដង។
ច្បាប់នៅអង់គ្លេសក្នុងមួយក្រុមកំណត់ឲ្យមានកីឡាករបរទេសចំនួន១៧នាក់ ហើយកីឡាករក្នុងស្រុកមានយ៉ាងតិច៨នាក់។ ការធ្វើបែបនេះគឺមិនចង់ឲ្យក្លឹបទាំងអស់នាំចូលកីឡាករបរទេសហួសប្រមាណ និងមិនទុកឱកាសឲ្យកីឡាករក្នុងស្រុកជាប់ក្នុងឈុតធំ។
យ៉ាងណាក្ដី ពេលនេះ Liverpool កំពុងរកផ្លូវលក់ Xherdan Shaqiri សញ្ជាតិស្វីសចេញ។ ហើយ Divoch Origi សញ្ជាតិបែលហ្សុិកក៏ជាមុខសញ្ញាលក់ចេញ ដើម្បីឲ្យក្លឹបមានចន្លោះអាចនាំកីឡាករបរទេសថ្មីចូល៕