ផ្លូវការហើយ! Man Utd ទិញ Varane ក្នុងតម្លៃខ្លួន៤២លានផោន
- 2021-07-28 01:28:31
- ចំនួនមតិ 0 | ចំនួនចែករំលែក 0
ផ្លូវការហើយ! Man Utd ទិញ Varane ក្នុងតម្លៃខ្លួន៤២លានផោន
ចន្លោះមិនឃើញ
ក្រុម Manchester United បានប្រកាសជាផ្លូវការទិញបានខ្សែការពារ Raphael Varane ពីក្រុម Real Madrid ក្នុងតម្លៃខ្លួន៤២លានផោន ដោយនៅរង់ចាំតែការពិនិត្យសុខភាព និងកិច្ចព្រមព្រៀងតិចតួចទៀតប៉ុណ្ណោះ។
កីឡាករវ័យ២៨ឆ្នាំខាងលើនេះ ជាកីឡាករដែលក្រុមបិសាចក្រហម Manchester United ចង់បានជាយូរមកហើយ។ ខណៈដែលកុងត្រារបស់គេនៅក្រុម Real Madrid សល់ត្រឹម១ឆ្នាំនោះ ទើបក្រុមរបស់លោក Ole មានឱកាសទាក់ទងរហូតបានសម្រេចជាមួយតម្លៃខ្លួន៤២លានផោន។ ដោយការប្រកាសយកបានកីឡាករបារាំងនេះ ត្រូវបានធ្វើឡើងកាលពីយប់មិញ ដោយក្លឹប Man Utd ផ្ទាល់តែម្ដង។
Varane អាចចាត់ទុកថាជាកីឡាករជោគជ័យម្នាក់។ រូបគេឈ្នះពានរង្វាន់ជាច្រើនជាមួយក្រុម Real Madrid ជាពិសេស UEFA Champions League ៤ដងឯណោះ។ ស្របពេលនៅជម្រើសជាតិវិញ រូបគេក៏បានឈ្នះពានរង្វាន់ World Cup 2018 ជាមួយក្រុមជម្រើសជាតិបារាំងផងដែរ៕