ចូលដល់វ័យខ្ទង់ ៣០ឆ្នាំ Taeyeon គិតយ៉ាងណាចំពោះបទ "Gee"?

2021-08-24 01:41:18
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀង "Gee” ចេញឆ្នាំ ២០០៩ របស់ Girls’ Generation ពិតជាទទួលបានការគាំទ្រខ្លាំងបំផុត។ ស្របពេលគ្រប់គ្នាពេញចិត្តបទនេះ ប៉ុន្តែងាកទៅម្ចាស់បទគឺ Taeyeon វិញបែរជាស្អប់ទៅវិញ។

ថ្មីៗនេះ Taeyeon បានបង្ហាញមុខថតម៉ូដឲ្យទស្សនាវដ្ដី Vogue Korea ហើយពេលនោះហើយដែលនាងទម្លាយរឿងមួយចំនួនទាក់ទងនឹងការងារ។

លើកឡើងពីបទ «Gee» Taeyeon បាននិយាយថា កាលពីចេញដំបូង នាងពិតជាស្អប់ណាស់៖ «ដំបូងខ្ញុំមិនស្រួលចិត្តជាមួយនឹងបទ “Gee”! កាលនោះ ខ្ញុំចង់ធ្វើអីឲ្យទាក់ទាញ និងឡូយជាងហ្នឹង។ ខ្ញុំអត់ដឹងយ៉ាងម៉េចដែរ ខ្ញុំគិតថាចង់បះបោរទៀត ដូច្នេះហើយខ្ញុំនិយាយថា បទ “Gee” ហ្នឹងអត់ពីរោះទេ ពិបាកស្ដាប់ណាស់។

ខ្ញុំក៏ធ្លាប់បាននិយាយរឿងហ្នឹងច្រើនដងណាស់ក្នុងបទសម្ភាសដែរ។ ខ្ញុំច្បាស់ចិត្តហ្មងថា មានអត្ថបទព័ត៌មានជាច្រើនចេញផ្សាយថា “Taeyeon មិនចូលចិត្តបទ “Gee” ទេ»

ប៉ុន្តែក្រោយមក នាងក៏ទទួលស្គាល់ថាបទនេះពិតជាល្បីណាស់។ គិតត្រឡប់ទៅកាលពីអាយុខ្ទង់ ២០ ឬយុវភាព វាកាន់តែធ្វើឲ្យយើងសប្បាយចិត្ត ព្រោះជាពេលដែលគ្រប់យ៉ាងស្រស់ស្រាយ និងពេញដោយភាពរីករាយ។ ម្យ៉ាងនាងក៏មានអារម្មណ៍ថាចូលចិត្ត Concept បទ "Gee” ដែរ៕