លោក Ian Wright វីរបុរស Arsenal ថា Chelsea មិនដាក់ Havertz តទល់ Liverpool ស្អែកទេ
- 2021-08-27 07:48:35
- ចំនួនមតិ 0 | ចំនួនចែករំលែក 0
លោក Ian Wright វីរបុរស Arsenal ថា Chelsea មិនដាក់ Havertz តទល់ Liverpool ស្អែកទេ
ចន្លោះមិនឃើញ
ក្រុមតោខៀវ Chelsea នឹងធ្វើដំណើរទៅកាន់ទឹកដី Anfield នៅថ្ងៃសៅរ៍វេលាម៉ោង១១:៣០ នាទីយប់ស្អែកនេះ ដើម្បីប្រកួតសប្ដាហ៍ទី៣នៃក្របខណ្ឌ Premier League ។ ក្នុងជំនួបទល់ក្រុមខ្លាំង Liverpool នេះលោក Ian Wright វីរបុរសរបស់ Arsenal យល់ឃើញថា Chelsea នឹងមិនដាក់ Kai Havertz ក្នុងជម្រើសដំបូងដូចដែលក្រុមតោខៀវបានធ្វើកាលយកឈ្នះក្រុម Arsenal ២-០កាលពីសប្ដាហ៍មុននោះទេ។
វីរបុរសរបស់ Arsenal ខាងលើយល់ឃើញថា លោក Thomas Tuchel អ្នកចាត់ការតោខៀវ នឹងប្រើ Mason Mount ជាជំនួយដល់ការសម្លាប់របស់ Romelu Lukaku ។ លោកគិតថា តោខៀវ នឹងផ្លាស់ប្ដូរទម្រង់មិនអាចលេងដោយសេរីដូចកាលប៉ះ Arsenal ទេ។ Chelsea បានដឹងយ៉ាងច្បាស់ថា បើសិនជាដាក់ Havertz ឲ្យលេងក្នុងជម្រើសដំបូង នោះLiverpool ពិតជាដឹងពីវិធីក្នុងការបិទជាក់ជាមិនខាន។
យ៉ាងណាប្រកួតមុនពេលយកឈ្នះកាំភ្លើងធំ២-០នោះ Chelsea បានដាក់ Havertz ឲ្យលេងពេញ៩០នាទី ហើយត្រូវបានប្ដូរចេញនៅនាទីទី៩០ ដោយដាក់ជំនួសដោយ Timo Werner ។ ពីរប្រកួតរបស់ក្រុមទាំងពីរចាប់ផ្ដើមនៅ Premier League គឺឈ្នះដូចគ្នា ដោយ Liverpool ឈ្នះ Norwich City ៣-០ និងឈ្នះ Burnley ២-០ ខណៈដែល Chelsea បានយកឈ្នះ Crystal Palace ៣-០ និងឈ្នះ Arsenal ២-០ ៕