កាន់ ម៉េងហុង ឡើងមួយកម្រិតទៀតហើយសប្ដាហ៍នេះប៉ះជើងចាស់ យ៉ន ពិសី
- 2021-09-03 08:31:21
- ចំនួនមតិ 0 | ចំនួនចែករំលែក 0
កាន់ ម៉េងហុង ឡើងមួយកម្រិតទៀតហើយសប្ដាហ៍នេះប៉ះជើងចាស់ យ៉ន ពិសី
ចន្លោះមិនឃើញ
អ្នកប្រដាល់វ័យក្មេងមកពីខេត្តកណ្ដាល កាន់ ម៉េងហុង ឈានមួយកម្រិតទៀតហើយដោយឡើងមកប៉ះជើងខ្លាំងចាស់វស្សា យ៉ន ពិសី សប្ដាហ៍នេះនៅសង្វៀន PNN ខណៈដៃគូរូបនេះធ្លាប់ប៉ះដូចជា ប៊ុន សុធា ធន់ អេងឡៃ ពីមុនទៀតផង។
កូនសិស្សក្លឹបនាគរាជចតុមុខរូបនេះគឺមានការខំប្រឹង និងព្យាយាមអភិវឌ្ឍន៍ខ្លួនបានល្អមែនជាពិសេសការបង្កើនសមត្ថភាពពីមួយកម្រិតទៅមួយកម្រិត។ ម៉េងហុង ក៏ធ្លាប់ឈ្នះជើងចាស់ ហ៊ឹម សេរី ពីមុន និងធ្លាប់កំដរ សែន រ៉ាដេត រហូតបញ្ចប់១ទឹក ៩នាទីនៅ Mas Fight ទៀតផង។
ចំពោះការប៉ះគ្នាជាមួយរៀមច្បង យ៉ន ពិសី កីឡាករ កាន់ ម៉េងហុង លើកឡើងថា រូបគេបានត្រៀមខ្លួនបានល្អហើយ និងបារម្ភតែម្យ៉ាងគត់ខ្លាចតែសុខភាពមិនសូវអំណោយផលប៉ុណ្ណោះ។ អ្នកលេងគុនខ្មែររូបនេះក៏បានសរសើរពីសមត្ថភាព យ៉ន ពិសី ដែរថាជាកីឡាករល្អគ្រប់ក្បាច់ មិនថាស្នៀត កម្លាំងស៊ុហ្វ និងមានភាពធន់គីឺសុទ្ធតែល្អ។
រំលឹកដែរថា ការប្រកួតមិត្តភាពខ្មែរ និងខ្មែររវាង កាន់ ម៉េងហុង យ៉ន ពិសី នេះធ្វើឡើងនៅថ្ងៃអាទិត្យ ទី៥ ខែកញ្ញា ឆ្នាំ២០២១ នៅសង្វៀន PNN៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
