សារ ទី ថាក្រោយបឹងកេតនាំមុខ២គ្រាប់ អគ្គិសនីមិនខ្លាចរបូតគ្រាប់ទៀតឡើយតែសម្រុកបឹងកេតមិនចូល

2021-09-07 03:33:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធលេចធ្លោរបស់អគ្គិសនីកម្ពុជា សារ ទី យល់ឃើញថា ការដែលក្លឹបរបស់ខ្លួនមិនសូវមានឱកាសស៊ុតបឹងកេតមិនមែនមកពីក្រុមរបស់ខ្លួនខ្លាចរបូតច្រើនគ្រាប់ឡើយ គឺដោយសារលេងមិនយល់ចិត្តគ្នាទើបធ្វើឲ្យមិនសូវមានឱកាសសម្រុកទៅលើបឹងកេត។

រូបថត សារ ទី

ម្សិលមិញនេះការប្រកួតរវាងបឹងកេត និង អគ្គិសនីកម្ពុជា បញ្ចប់ទៅដោយក្រុមបឹងកេតឈ្នះ២-០ សម្រាប់ការប្រកួតលីគកំពូលកម្ពុជាសប្ដាហ៍ទី១១ ហើយការប្រកួតនោះត្រូវបានគេមើលឃើញថា ក្រោយរបូត២គ្រាប់ហើយក្ដី ក្រុមអគ្គិសនីនៅតែមិនសូវមានឱកាសស៊ុតទៅលើបឹងកេត ពិសេសគឺការបង្កើតឱកាសមានតិចតួចមែនទែន។ ទាក់ទងប្រកួតនោះ សារ ទី បានឲ្យដឹងថា តាមពិតទៅក្រុមរបស់ខ្លួនចង់សម្រុកទៅលើបឹងកេតណាស់ក្រោយពេលក្រុមបឹងកេតនាំមុខតែក្រុមខ្លួននៅតែមិនមានឱកាសដដែល ចំណុចនេះគឺមកពីការលេងមិនយល់ចិត្តគ្នា។ ទន្ទឹមនោះក៏អាចមកពីការខ្វះខាតកម្លាំង និងការខ្វះការសហការគ្នាជាក្រុមនៅលើទីលានផងដែរ។

រំលឹកថា បច្ចុប្បន្នអគ្គិសនីកម្ពុជាស្ថិតនៅលេខរៀងទី១០ក្នុងតារាងលីគកំពូលកម្ពុជា ដោយរកបានត្រឹម៧ពិន្ទុក្នុងចំណោមការប្រកួត១១លើក៕