កែវ សារ៉ាត់ ថា Tiger នៅតែមានឆន្ទៈលើកពានបើទោះប៉ុន្មានប្រកួតចុងក្រោយធ្វើមិនសូវបានល្អ
- 2021-09-09 08:41:01
- ចំនួនមតិ 0 | ចំនួនចែករំលែក 0
កែវ សារ៉ាត់ ថា Tiger នៅតែមានឆន្ទៈលើកពានបើទោះប៉ុន្មានប្រកួតចុងក្រោយធ្វើមិនសូវបានល្អ
ចន្លោះមិនឃើញ
ខ្សែការពាររបស់ Angkor Tiger កែវ សារ៉ាត់ បានអះអាងថាក្រុមរបស់ខ្លួននៅតែមានសង្ឃឹម និងឆន្ទៈលើកពានដដែលសម្រាប់ការប្រកួតលីគកំពូលកម្ពុជារដូវកាលនេះបើទោះប៉ុន្មានប្រកួតចុងក្រោយធ្វើមិនសូវបានល្អក៏ដោយ។
ខ្សែការពារខាងលើបានឲ្យដឹងថា ប៉ុន្មានប្រកួតចុងក្រោយក្រុមរបស់ខ្លួនហាក់លេងមិនសូវត្រូវគ្នាសោះ ទើបធ្វើឲ្យការប្រកួតទទួលបានលទ្ធផលមិនសូវល្អ។ ពិសេសដូចកាលប្រកួតពីពេលថ្មីៗនេះធ្វើបានត្រឹមស្មើ សូលទីឡូអង្គរ ០-០ក្ដី។ យ៉ាងណាក្រុមរបស់ខ្លួននៅតែមានឆន្ទៈខ្ពស់ដដែលក្នុងការប្រជែងពានលីគ ពីព្រោះឆ្នាំនេះជាឱកាសល្អមួយដោយសារក្រុមរបស់ខ្លួនបានរៀបចំបានល្អ។
កែវ សារ៉ាត់ ជាខ្សែការពារល្អមួយរូបរបស់ Tiger ដែលតែងបង្ហាញខ្លួនក្នុងជម្រើសដំបូងមិនថា Hun Sen Cup និងលីគកំពូលកម្ពុជាឡើយ។ គេក៏ជាកីឡាករសំខាន់ម្នាក់ក្នុងក្រុមផងដែរ។
ដោយឡែកការប្រកួតបាល់ទាត់ក្របខណ្ឌកំពូលកម្ពុជា Metfone Cambodian League 2021 សម្រាប់ជើងទី២នឹងអនុវត្តតាមរូបមន្ត Top 8 និង Last 5។ មានន័យថា ក្រុមមានពិន្ទុច្រើនជាងគេចំនួន៨ បន្ទាប់ពីចប់ជើងទី១ នឹងប្រជែងគ្នាយកតំណែងជើងឯក និងក្រុមមានពិន្ទុតិចជាងគេចំនួន៥ត្រូវប្រកួតគ្នាយកពិន្ទុគេចពីតំបន់កាត់ចោល។
សម្រាប់ការគិតពិន្ទុវិញ នឹងត្រូវរាប់បន្តពីជើងទី១ ហើយក្រុមមានពិន្ទុច្រើនជាងគេក្រោយចប់ការប្រកួតទាំងអស់ក្នុងចំណោម Top 8 នឹងទទួល បានតំណែងជើងឯក ប្រចាំឆ្នាំ២០២១ និងក្រុមមានពិន្ទុតិចជាងគេ ឬចំណាត់ថ្នាក់លេខ១៣ ក្នុងចំណោម Last 5 នឹងត្រូវបានកាត់ចោល។ ការប្រកួត Top 8 និង Last 5 នេះប្រព្រឹត្តទៅតែមួយជើងប៉ុណ្ណោះ ដោយមិនមានការផ្លាស់ទឹកដីទៅវិញទៅមកបន្តទៀតទេ៕