អតីតកីឡាករ Liverpool ថា Ronaldo នឹងអាចមានផលអាក្រក់ដល់ United
- 2021-09-10 09:58:42
- ចំនួនមតិ 0 | ចំនួនចែករំលែក 0
អតីតកីឡាករ Liverpool ថា Ronaldo នឹងអាចមានផលអាក្រក់ដល់ United
ចន្លោះមិនឃើញ
Cristiano Ronaldo បានប្រកាសផ្លូវការពីការផ្ទេរមកកាន់ក្លឹបចាស់ Manchester United វិញកាលពីខែមុន ហើយការមកដល់នេះត្រូវបានអតីតខ្សែការពាររបស់ Liverpool លោក Jamie Carragher បានយល់ឃើញថានឹងមានផលអាក្រក់ដល់បិសាចក្រហម។
បុរសខាងលើបាននិយាយថា « គាត់ជាកីឡាករអស្ចារ្យគ្រប់ពេល។ ដោយគ្មានការសង្ស័យ។ ប៉ុន្តែខ្ញុំគិតថា ការមកដល់របស់ Ronaldo នឹងអាចមានផលអាក្រក់ដល់ Manchester United មិនខាន»។ ជាមួយគ្នានោះវីរបុរសដែលជាអ្នកចាំទីរបស់ Manchester United លោក Peter Schmeichel មិនបានយល់ស្របដូចលោក Jamie Carragher ឡើយ។ ផ្ទុយទៅវិញលោកយល់ឃើញថា វាជាការផ្ទេរមួយដ៏អស្ចារ្យរបស់ United ។ ហើយលោកសង្ឃឹម និងជឿជាក់យ៉ាងខ្លាំងចំពោះសមត្ថភាពរបស់ Ronaldo ។
Ronaldo បានចាកចេញពី Juventus មកកាន់ក្លឹបចាស់ United ក្នុងតម្លៃ១៥លានអឺរ៉ូបូកបញ្ចូលជាមួយ៥លានអឺរ៉ូពីលើ ដែលកុងត្រារបស់ខ្សែប្រយុទ្ធជម្រើសជាតិព័រទុយហ្គាល់មានចំនួន២ឆ្នាំពោលគឺដល់ឆ្នាំ២០២៣៕