ត្បិតត្រូវ Struijk ឈូសឲ្យភ្លាត់ឆ្អឹងកជើង តែ Elliott ថាមិនសមបានកាតក្រហមទេ

2021-09-14 03:17:54
ចំនួនមតិ 0 | ចំនួនចែករំលែក 0

ចន្លោះមិនឃើញ

Harvey Elliott បាននិយាយការពារ Pascal Struijk ថាមិនសមបានកាតក្រហមសោះ ក្រោយបង្កកំហុសឈូសពីក្រោយរហូតធ្វើឲ្យខ្លួនភ្លាត់ឆ្អឹងកជើងកាលពីថ្ងៃអាទិត្យ។

Elliott កីឡាករកំពុងឡើងជើងរបស់ Liverpool ប្រឈមមុខត្រូវសម្រាក៦ខែដើម្បីព្យាបាលកជើង ប៉ុន្តែគេមិនបានដាក់ការស្ដីបន្ទោសលើ Struijk ឡើយ។ ពេលបញ្ជូននៅកន្លែងសង្គ្រោះ Elliott វ័យ១៨ឆ្នាំបានមើលការប្រកួតរបស់ Liverpool ទល់នឹង Leeds រហូតដល់ចប់តាមទូរសព្ទ។

ខ្សែបម្រើ Elliott បានបង្ហោះសារលើបណ្ដាញសង្គម Instagram ថា វាមិនមែនជាកំហុសរបស់ Struijk ឡើយ។ ហើយក៏មិនគួរបានកាតក្រហមដែរ ព្រោះតែជាគ្រោះថ្នាក់ចៃដន្យ ប៉ុន្តែរឿងទាំងអស់នេះកើតឡើងក្នុងបាល់ទាត់។ Elliott ក៏បានសន្យានឹងរឹងមាំឡើងវិញ១០០% ហើយក៏អរគុណដល់គ្រប់គ្នាដែលគាំទ្រ។

Elliott ត្រូវបាន Liverpool ទិញពី Fulham កាលពីឆ្នាំ២០១៩ក្នុងតម្លៃខ្លួនមួយដែលមិនបានបង្ហាញ។ រដូវកាល២០២០-២១ ហង្សក្រហមបានឲ្យ Blackburn Rovers ខ្ចីជើងកីឡាករសញ្ជាតិអង់គ្លេសរូបនេះមួយរដូវកាល រកបាន៧គ្រាប់ក្នុងការបង្ហាញខ្លួន៤១ប្រកួត។ រដូវកាលនេះ Elliott បានបង្ហាញខ្លួនជាជម្រើសដំបូងរបស់ Liverpool ៤ប្រកួតជាប់គ្នាក្នុងលីគ តែមកស៊យក្នុងជំនួបជាមួយ Leeds៕

ប្រភព៖ The Sun ប្រែសម្រួល៖ ហេង សុធារិទ្ធិ