១គ្រាប់របស់ក្រុម Sheriff បំប៉ោងសំណាញ់ទី Real Madrid អាចជាប់ជាគ្រាប់ល្អបំផុតនៅ UCL?
- 2021-09-29 02:24:35
- ចំនួនមតិ 0 | ចំនួនចែករំលែក 0
១គ្រាប់របស់ក្រុម Sheriff បំប៉ោងសំណាញ់ទី Real Madrid អាចជាប់ជាគ្រាប់ល្អបំផុតនៅ UCL?
ចន្លោះមិនឃើញ
កាលពីយប់មិញនេះក្រុមបាល់ទាត់ Real Madrid បានបរាជ័យក្នុងដីខ្លួនឯងក្រោមថ្វីជើងក្រុមលេខ៣មកពីប្រទេសម៉ូដូវ៉ា FC Sheriff ២-១ សម្រាប់ការប្រកួតលើកទី២វគ្គសន្សំពិន្ទុក្នុងពូល D នៃពានរង្វាន់ UEFA Champions League ។ ក្នុងការជ័យនេះត្រូវបានគេមើលឃើញថា ខ្សែបម្រើ Sébastien Thill បានស៊ុតបាល់កាប់មួយជើងយ៉ាងស្អាតពីតំបន់ដំបូលទូក ហើយតើគ្រាប់បាល់នេះអាចជាប់ជាគ្រាប់ស៊ុតស្អាតជាងគេនៅ UCL រដូវកាលនេះដែរឬទេ?
ការប្រកួតត្រូវបានគេមើលឃើញថា Real Madrid បានគ្រប់គ្រងការប្រកួតស្ទើរតែទាំងស្រុង ដែលមានស្ថិតិគ្រប់គ្រងបាល់បានរហូតដល់ទៅ ៦៧% និងស៊ុតចំនួន៣០ជើងប៉ុន្តែរកបានតែមួយគ្រាប់ប៉ុណ្ណោះ ដោយបាល់ប៉េណាល់ទីនៅនាទីទី៦៥ ដោយបាល់ពិន័យ១១ម៉ែត្រដែលស៊ុតដោយខ្សែប្រយុទ្ធ Karim Benzema ។ មួយគ្រាប់របស់ Real នេះកើតឡើងក្រោយពេលខ្សែបម្រើក្រុមភ្ញៀវ Jasurbek Jumaboy oʻgʻli Yaxshiboyev រកបានមួយគ្រាប់មុននៅនាទីទី២៥ ចំណែកគ្រាប់បាល់ជ័យជម្នះរបស់ក្រុមមកពីប្រទេសម៉ូដូវ៉ារកបាននៅនាទីទី៩០ ដែលជាការស៊ុតកាប់យ៉ាងស្អាតពីតំបន់ដំបូលទូក។
ក្រុម FC Sheriff បច្ចុប្បន្នជាក្រុមលេខ១ក្នុងពូល D នៅ Champions League ក្រោយពីរប្រកួតឈ្នះទាំងអស់ ពោលគឺពួកគេក៏បានឈ្នះកាលប្រកួតទី១ ទៅលើក្រុម Shakhtar Donetsk ២-០។ ចំណែក Real Madrid ស្ថិតនៅលេខ២ដោយមាន៣ពិន្ទុ៕
ទស្សនាវីដេអូ Hіghlіghts