ញាណ សុសុីដាន ជាប់ជម្រើសជាតិលើកដំបូងមានអារម្មណ៍ថាពិបាកខ្លាំង តែសន្យាប្រឹងប្រែង១០០%
- 2021-09-30 08:17:51
- ចំនួនមតិ 0 | ចំនួនចែករំលែក 0
ញាណ សុសុីដាន ជាប់ជម្រើសជាតិលើកដំបូងមានអារម្មណ៍ថាពិបាកខ្លាំង តែសន្យាប្រឹងប្រែង១០០%
ចន្លោះមិនឃើញ
យុវជនរបស់ក្លឹប Tiffy Army ញាណ សុសុីដាន បង្ហាញអារម្មណ៍ពិបាកក្នុងការស្វែងរកកន្លែងលេងក្នុងជម្រើសដំបូងលើទីលានព្រោះខ្លួនទើបជាប់ថ្មីៗក្នុងក្រុមជម្រើសជាតិ។ តែយ៉ាងនាយុវជនរូបនេះតាំងចិត្តប្រឹងប្រែង១០០%ក្នុងការហ្វឹកហាត់ ដើម្បីទទួលបានបទពិសោធថ្មីសម្រាប់ខ្លួនឯង។
យុវជនខាងលើបានឲ្យដឹងថា ការជាប់ជម្រើសជាតិលើកទី១នេះខ្លួនពិតជារំភើប និងសប្បាយចិត្តជាខ្លាំង ដោយសារបំណងប្រាថ្នាបានសម្រេច។ ទោះជាការប្រជែងលើទីលានមានស្ថាភាពលំបាកយ៉ាងណាក៏ដោយ ក៏យុវជន ស៊ីដាន ប្ដេជ្ញាចិត្តគ្រប់យ៉ាងទាំងការហ្វឹកហាត់ និងការលេងបើសិនមានឱកាសបានលេង នឹងប្រឹងប្រែង១០០%។
អ្វីដែល សុស៊ីដាន ផ្ដោតសំខាន់ក្នុងការហ្វឹកហាត់ក្នុងក្រុមជម្រើសជាតិគឺផ្នែកកម្លាំង ព្រោះខ្លួនគិតថាចំណុចនេះនៅស្ទើរ។ យុវជនរូបនេះចូលហាត់បាល់ដំបូងកាលខែសីហា ឆ្នាំ២០១៩ ដោយលេងយុវជនរបស់ទ័ព ដែលលេងនៅលីគទី២ ក្រោយមកពេលចប់លីគទី២គេក៏ត្រូវបានក្លឹបដំឡើងមកកាន់ក្រុមឈុតធំ ព្រោះឃើញសមត្ថភាពល្អ៕