Michael Owen ថា Grealish និង Sancho សមត្ថភាពមិនសក្តិសមជាមួយតម្លៃ

2021-10-01 02:44:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាកររបស់បិសាចក្រហម Manchester United លោក Michael Owen បាននិយាយថា Jack Grealish និង Jadon Sancho មិនសក្តិសមជាមួយតម្លៃខ្លួនដែលក្លឹប Manchester City និង Manchester United ទិញមកឡើយ។

Jack Grealish ត្រូវបាន Manchester City ទិញមកពី Aston Villa ក្នុងតម្លៃ១០០លានអឺរ៉ូ ប៉ុន្តែលោក Owen យល់ឃើញថា តម្លៃនេះគឺមិនសក្តិសមឡើយ ប៉ុន្តែលោកគិតថាតម្លៃដែលសក្តិសមបំផុតគឺត្រឹម៣០លានអឺរ៉ូតែប៉ុណ្ណោះ។ ចំណែក Sancho ដែលត្រូវបាន Manchester United ទិញពី Borussia Dortmund ក្នុងតម្លៃ៨០លានអឺរ៉ូនោះក៏មិនសក្តិសមដែរ ពោលអតីតកីឡាករបិសាចក្រហមខាងលើយល់ថាត្រឹម ២៥ លានអឺរ៉ូគឺសក្តិសមហើយ។

ជាងនេះទៅទៀត Owen បន្ថែមថា ក្លឹបនៅអង់គ្លេសកំពុងប្រឈមមុខយ៉ាងខ្លាំងចំពោះបញ្ហានៃការទិញកីឡាករដែលមានតម្លៃថ្លៃៗ។ ចំណែក Chelsea គេបានចំណាយលុយដ៏ត្រឹមត្រូវក្នុងការនាំយក Lukaku ដែលក្រោយពេលមកដល់ Stamford Bridge ខ្សែប្រយុទ្ធជម្រើសជាតិបែលហ្ស៊ិកបង្ហាញឲ្យឃើញពីសមត្ថភាពសក្តិសមជាមួយតម្លៃ។ មួយវិញទៀតខ្សែការពាររបស់ Liverpool, Van Dijk ដ៏ដូចគ្នាគឺគេបានបង្ហាញសមត្ថភាពអាចទទួលយកបាន៕

ប្រភព៖ Football Channel ប្រែសម្រួល៖ ស្រី សុវណ្ណដារ៉ា