ធ្លាយរឿងសណ្ឋាគារលំដាប់ផ្កាយ៥ដែល Messi កំពុងនៅត្រូវចោរបន្លំចូលលួចលុយ

2021-10-01 08:14:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចោរបានបន្លំចូលលួចលុយនិងគ្រឿងអលង្ការក្នុងបន្ទប់មួយចំនួននៅសណ្ឋាគារលំដាប់ផ្កាយ៥មានទីតាំងនៅទីក្រុងប៉ារីស ដែល Lione Messi កំពុងស្នាក់នៅ។

ក្រុមចោរបានចូលក្នុងសណ្ឋាគារ Le Royal Monceau ដោយឡើងតាមដំបូល និងលួចចូលក្នុងបន្ទប់តាមទ្វារយ៉រដែលមិនចាក់ចោលនៅមួយជាន់លើបន្ទប់ Messi ស្នាក់នៅ។ បន្ទប់៤ត្រូវបានចោរចូលប៉ុន្មានសប្ដាហ៍ ក្រោយពេល Messi ចូលមកស្នាក់នៅ។

កាមេរ៉ាសុវត្ថិភាពថតបានបុរសពាក់ម៉ាស់២នាក់តោងចុះចូលបន្ទប់ជាន់ទី៦កាលពីថ្ងៃពុធសប្ដាហ៍មុន។ នៅរាត្រីនោះ PSG បានធ្វើដំណើរទៅលេងនៅទឹកដីក្រុម Metz ប៉ុន្តែ Messi មិនបានទៅជាមួយទេដោយស្នាក់ក្នុងសណ្ឋាគារ ព្រោះតែមានរបួសក្រោយប្រកួត។

ជនរងគ្រោះម្នាក់ដែលជាទីប្រឹក្សាហិរញ្ញវត្ថុក្នុងទីក្រុងឌុយបៃបាននិយាយថា នាងបានបាត់ខ្សែកមាសតម្លៃ៣០០០ផោន ក្រវិលតម្លៃ៥០០ផោន និងលុយ២០០០ផោន។ យ៉ាងណាជាសំណាងល្អ បន្ទប់របស់ Messi មិនត្រូវបានចោរចូលឡើយ ហើយដំណឹងខាងលើទើបតែបែកធ្លាយថ្មីៗនេះឯង៕

ប្រភព៖ Dailymail ប្រែសម្រួល៖ ហេង សុធារិទ្ធិ