ព្រំ សំណាង បើឈ្នះសន្លប់ និងបន្តឈ្នះរហូតបែបនេះអាចនឹងលែងបានប្រកួត

2021-10-04 06:30:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរទម្ងន់ធ្ងន់ ព្រំ សំណាង ប្រសិនបើបន្តឈ្នះ និងឈ្នះសន្លប់បែបនេះអាចនឹងគ្មានដៃគូវ៉ៃនោះទេ ព្រោះទម្ងន់ធ្ងន់នេះមិនសូវមានឡើយនាពេលបច្ចុប្បន្ន។

កីឡាករ ព្រំ សំណាង

មានមតិអ្នកគាំទ្រម្នាក់ហ្វេសបុកឈ្មោះ «សែមស៊ុយ ម៉េង» ថា ព្រំ សំណាង ឈ្នះរហូតអត់ដៃគូវ៉ៃឥលូវហើយ។ យ៉ាងណាដូចប្រិយមិត្តគុនខ្មែរបានឃើញស្រាប់ហើយថា ការវិលមកកាន់សង្វៀនវិញ៣ប្រកួតនេះ សំណាង ឈ្នះទាំង៣តែម្ដង ខណៈ២ដងសុទ្ធតែឈ្នះសន្លប់ទៅទៀត។

ព្រំ សំណាង អាចនឹងជួបបញ្ហាខ្វះដៃគូប្រកួតនៅពេលខាងមុខនេះ ព្រោះទី១ គីឡូធ្ងន់ពេក ៧៥ គឺពិបាករកកីឡាកឲ្យប៉ះជាមួយណាស់។ ស្របពេលកីឡាករទម្ងន់ធ្ងន់ៗបច្ចុប្បន្នលេងភាគច្រើន ៧០-៧១គីឡូក្រាមប៉ុណ្ណោះ ចំណែកមួយចំនួនទៀតជាសិស្សធ្លាប់រួមក្លឹប និងកីឡាកររាប់អានគ្នា ឬហ្វឹកហាត់កន្លែងតែមួយ។

សំណាង ពេលឈ្នះ ឈឿង ល្វៃ

រំលឹកដែរថា ការវិលចូលសង្វៀនជាថ្មី៣ប្រកួតរបស់ ព្រំ សំណាង ទី១ ឈ្នះ ឡុង សុវណ្ណដឿន សន្លប់នៅ Mas Fight ទី២ ឈ្នះ ឈឿង ល្វៃ សន្លប់ទឹក២ នៅបាយ័ន និងលើកទី៣ ឈ្នះពិន្ទុ ធឿន ធារ៉ា នៅ CNC។ ការឈ្នះចុងក្រោយនេះ ធារ៉ា ជិតសន្លប់ម្ដងៗទៅហើយ៕