ភ្ញាក់ផ្អើលពេលឃើញ Cybertruck របស់ Tesla មានតម្លៃថោកជាងគេ
- 2021-10-08 03:41:21
- ចំនួនមតិ 0 | ចំនួនចែករំលែក 0
ភ្ញាក់ផ្អើលពេលឃើញ Cybertruck របស់ Tesla មានតម្លៃថោកជាងគេ
ចន្លោះមិនឃើញ
រថយន្តអគ្គិសនី Cybertruck របស់ Tesla ដែលបានធ្វើឱ្យភ្ញាក់ផ្អើលកក្រើកពិភពលោកកាលពីលើកមុននេះ ឥឡូវទើបតែធ្លាយចេញតម្លៃរបស់វា ដែលថោកជាងគេបំផុតប្រៀបធៀបនឹងរថយន្ត Tesla ដទៃទៀត ដើម្បីទន្ទ្រានទីផ្សាររថយន្តអគ្គិសនី។
រថយន្តបើកដំណើរការដោយកង់ខាងក្រោយ RWDនេះ មានតម្លៃ ៣៩ ៩០០ដុល្លារ (សម្រាប់ Single-motor) បើប្រៀបធៀបនឹង Model 3 មានតម្លៃ ៤១ ៩៩០ដុល្លារ និង Model Y តម្លៃ ៥៤ ៩៩០ដុល្លារ។ យ៉ាងណាមិញ តម្លៃ Cybertruck នឹងខ្ពស់ជាងនេះពោលគឺប្រមាណ ៤៩ ៩០០ដុល្លារ សម្រាប់ប្រភេទបើកដំណើរដោយកង់ទាំង៤ Dual-motor AWD ឬឡើងដល់ ៦៩ ៩០០ សម្រាប់ប្រភេទ tri-motor AWD។
គួរបញ្ជាក់ថា តម្លៃខាងលើនេះ គ្រាន់តែជាការលេចធ្លាយតាមបណ្តាញសង្គម មិនទាន់មានការបញ្ជាក់ផ្លូវការ និងរូបរាងជាក់ស្តែង ក៏ដូចជាលក្ខណៈសម្បត្តិបច្ចេកទេសចេញផ្សាយដោយ Tesla នោះទេ។
ចំពោះប្រភេទ RWD រថយន្ត Cybertruck ត្រូវបានគេដឹងថា អាចបើកដល់ចម្ងាយ ៤០០គីឡូម៉ែត្រ ជាមួយល្បឿនពី០ ទៅ ១០០គ.ម/ម៉ ប្រើពេលក្រោម ៦,៥វិនាទី ហើយប្រភេទ AWD អាចបើកលើសនេះ ៨០គីឡូម៉ែត្រទៀត (ល្បឿនពី០ ទៅ ១០០គ.ម/ម៉ ប្រើពេលក្រោម ៤,៥វិនាទី) និងប្រភេទ Tri-motr បន្ថែមដល់ ៩៦គីឡូម៉ែត្រ (ល្បឿនពី០ ទៅ ១០០គ.ម/ម៉ ប្រើពេលក្រោម ៣.៥វិនាទី)៕
ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375៕