ប្រដាល់សកលមិនងាយស៊ី វី សម្ភស្ស ស្រួលៗនោះទេ ប៉ុន្តែបើគុនខ្មែរពិបាកដែរ

2021-10-11 02:20:30
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករប្រដាល់សកលជម្រើសជាតិ វី សម្ភស្ស ឬ អេលីត សម្ភស្ស ម្សិលមិញនេះធ្វើការសងសឹកលើ ផល សោភ័ណ្ឌ បានសម្រេចវិញហើយក្នុងកម្មវិធីប្រដាល់ Ultimate Boxing។

វី សម្ភស្ស (ក្រហម)រូបភាពផ្ដល់ជូន

វី សម្ភស្ស បានឲ្យដឹងថា សម្រាប់ការប្រកួតសន្សំពិន្ទុដណ្ដើមប្រាក់លាន ឬការជួបសងសឹកជាមួយជើងចាស់ ផល សោភ័ណ្ឌ នេះគឺរូបគេខំប្រឹងហ្វឹកហាត់ជាខ្លាំងទាំងកម្លាំង និងបច្ចេកទេសវ៉ៃទប់ទល់។

វី សម្ភស្ស (ក្រហម)រូបភាពផ្ដល់ជូន

កីឡាករសកលជម្រើសជាតិខាងលើនេះបន្ថែមថា ការជួបគ្នាជាថ្មីនេះ សោភ័ណ្ឌ មិនមានអ្វីប្លែកនោះទេគឺនៅល្អដដែល ប៉ុន្តែគ្រាន់តែហាក់ស្រុតកម្លាំងបន្តិចចំពោះបច្ចេកទេសតិចនិកដូចមុន។ យ៉ាងណាការខានប្រកួតសកលយូរធ្វើឲ្យ សម្ភស្ស ស្ពឹកៗមិនទាន់ល្អដូចការប្រកួតញឹកញាប់ទេ។

វី សម្ភស្ស (ក្រហម)រូបភាពផ្ដល់ជូន

រំលឹកដែរថា ម្សិលមិញនេះកីឡាករ វី សម្ភស្ស បានប្រកួតឈ្នះពិន្ទុលើ ផល សោភ័ណ្ឌ លើប្រភេទកីឡាប្រដាល់សកល។ សម្ភស្ស ធ្លាប់ចាញ់ពិន្ទុ សោភ័ណ្ឌ កាលពីប្រកួតជ្រើសរើសជើងឯកថ្នាក់ជាតិ ២០២០៕

អត្ថបទ៖ នួន ស៊ីណា