អតីតអ្នកគ្រប់គ្រងផ្នែកទីផ្សារ Barcelona មកកាន់តំណែងនាយកប្រតិបត្តិនៃក្រុមហ៊ុនលីគកម្ពុជា
- 2021-10-14 02:05:24
- ចំនួនមតិ 0 | ចំនួនចែករំលែក 0
អតីតអ្នកគ្រប់គ្រងផ្នែកទីផ្សារ Barcelona មកកាន់តំណែងនាយកប្រតិបត្តិនៃក្រុមហ៊ុនលីគកម្ពុជា
ចន្លោះមិនឃើញ
សហព័ន្ធកីឡាបាល់ទាត់កម្ពុជា បានប្រកាសដំណឹងនៅព្រឹកនេះ ពីការបង្កើតក្រុមហ៊ុនលីគបាល់ទាត់កម្ពុជា ដោយតែងតាំងលោក Satoshi Saito ធ្វើជានាយកប្រតិបត្តិ។
គំនិតផ្ដួចផ្ដើមរបស់សហព័ន្ធបាល់ទាត់កម្ពុជានេះ គឺជាជំហានដ៏សំខាន់មួយទៀតសម្រាប់ធានាបាននូវការអភិវឌ្ឍនិងភាពជោគជ័យសម្រាប់បាល់ទាត់កម្ពុជានៅថ្ងៃអនាគត រួមទាំងគោលដៅសម្រាប់ការប្រកួតស៊ីហ្គេម២០២៣ផងដែរ។ ឯកឧត្តម សៅ សុខា ប្រធានសហព័ន្ធបាល់ទាត់កម្ពុជា បានបញ្ជាក់ដែរថានេះជាយុគសម័យថ្មីមួយនៃបាល់ទាត់កម្ពុជា។ ការបង្កើតក្រុមហ៊ុននេះឡើង គឺដើម្បីកម្ពុជាមានលីគអាជីពប្រកបដោយគុណភាពខ្ពស់។
សូមបញ្ជាក់ថាលោក Satoshi Saito ដែលនឹងមកធ្វើជានាយកប្រតិបត្តិក្រុមហ៊ុនខាងលើមានប្រវត្ដិការងារល្អណាស់។ លោកធ្លាប់ធ្វើជាអ្នកគ្រប់គ្រងផ្នែកទីផ្សារនៅក្លឹបបាល់ទាត់ FC Barcelona ជាអនុប្រធាននៃការិយាល័យបេសកកម្មពិសេសនៅសមាគមកីឡាបាល់ទាត់ជប៉ុន (JFA) ជានាយកទីផ្សារនៅសហព័ន្ធកីឡាបាល់ទាត់អាស៊ី AFC និងជាទីប្រឹក្សារបស់សហព័ន្ធកីឡាបាល់ទាត់ពិភពលោក FIFA ផងដែរ។
លោកទទួលបានសញ្ញាបត្រច្បាប់ពីសកលវិទ្យាល័យ Keiko ប្រទេសជប៉ុន និងបានបិរញ្ញាបត្រជាន់ខ្ពស់ជំនាញពាណិជ្ជកម្ម ពីសាលាពាណិជ្ជកម្មនៅប្រទេសអេស្ប៉ាញទៀត៕