មកទស្សនាវីដេអូ Haaland ស៊ុតបាល់តម្រៀបលើគ្នា ៣គ្រាប់ ចូលចំគោលដៅតែមួយ
- 2021-10-15 12:03:50
- ចំនួនមតិ 0 | ចំនួនចែករំលែក 0
មកទស្សនាវីដេអូ Haaland ស៊ុតបាល់តម្រៀបលើគ្នា ៣គ្រាប់ ចូលចំគោលដៅតែមួយ
ចន្លោះមិនឃើញ
ខ្សែប្រយុទ្ធ Erling Haaland ដែលជាកំពូលកីឡាករមួយរូបរបស់ក្លឹប Borussia Dortmund ត្រូវបាន Bundesliga បង្ហោះពីវីដេអូកាលពីថ្ងៃទី១៤ ខែតុលា ឆ្នាំ២០២១ម្សិលមិញនូវសកម្មភាព ដែលគេបានហាត់ទាត់បាល់ តម្រៀបលើគ្នាចំនួន ៣គ្រាប់ពីលើគ្នា រួចស៊ុត ១គ្រាប់ម្ដងជាបន្តបន្ទាប់ ដោយចូលចំគោលដៅតែមួយថែមទៀត។
នៅក្នុងវីដេអូបង្ហោះដោយលីគកំពូល ដែលក្រោយមកបង្ហោះនៅក្នុងក្លឹប Dortmund និងបណ្ដាញសង្គមរបស់ Haaland ផ្ទាល់ខ្លួនផងដែរនោះបង្ហាញឲ្យឃើញថា ក្រោយស៊ុតបាល់តម្រៀបលើគ្នា៣គ្រាប់ ចំគោលដៅតែមួយនេះ សកម្មភាពរបស់គេគឺ សឹងមិនតែជឿថាខ្លួនឯងអាចធ្វើបានបែបនេះ។
វីដេអូទាំងនេះក៏ត្រូវបានអ្នកគាំទ្រមួយចំនួនបញ្ចេញមតិថា មិនជឿផងដែរ តែយ៉ាងណាខាង Dortmund ក៏បានសរសេរលើវីដេអូដែលខ្លួនបានបង្ហោះផងដែរថា សកម្មភាពទាំងនេះសុទ្ធតែជាការពិតទាំងអស់ ជឿលើពួកយើងទៅ។
Haaland ត្រូវបានគេស្គាល់ថាជាកំពូលខ្សែប្រយុទ្ធដែររកគ្រាប់បាល់ឲ្យ Dortmund ដោយក្នុងរដូវកាលមុន កីឡាករនេះបានចូលលេង៤១ប្រកួតឲ្យក្លឹប ដោយរកគ្រាប់បាល់បាន ៤១គ្រាប់។ សម្រាប់រដូវកាលថ្មីនេះ ខ្សែប្រយុទ្ធនេះចូលលេងបាន ៨ប្រកួតហើយ ដោយស៊ុតចូលបាន ១១គ្រាប់៕