មកស្គាល់ស្មាត់ស្ដាំខាងតាកែវ សឹម ដែន ជាក្មេងកំព្រាឪពុកហាត់បាល់ដំបូងនៅតែទ្រុងទា និងហូបតែមី
- 2021-10-18 02:42:46
- ចំនួនមតិ 0 | ចំនួនចែករំលែក 0
មកស្គាល់ស្មាត់ស្ដាំខាងតាកែវ សឹម ដែន ជាក្មេងកំព្រាឪពុកហាត់បាល់ដំបូងនៅតែទ្រុងទា និងហូបតែមី
ចន្លោះមិនឃើញ
ស៊ឹម ដែន ដែលត្រូវបានស្គាល់ថា ស្មាត់ដែនមកពីតាកែវនោះ ជាក្មេងកំព្រាឪពុក ហើយប្រើជីវិតតស៊ូណាស់ចូលហាត់បាល់ដំបូងហូបតែមី និងនៅតែទ្រុងទាកាលនៅកងពលលេខ៩ឆ្នាំ២០១៦។
ដែន មានបងប្អូនបង្កើតចំនួនពីរនាក់គេជាកូនប្រុសទី២ មានម្ដាយឈ្មោះ ហ៊ុយ ខុម ដែលត្រូវបានឪពុកចុះចោលតាំងពីខ្លួននៅតូចៗមកម្ល៉េះ។ ស្មាត់ស្ដាំរូបនេះបានចូលខ្លួនមកហាត់បាល់ទះដំបូងនៅកងពលលេខ៩ ដែលពេលនោះគេហាត់គ្មានអីហូបគ្រប់គ្រាន់ឡើយ ពោលព្រឹកឡើងហូបតែមីប៉ុណ្ណោះ ហើយការស្នាក់នៅវិញគឺនៅតែទ្រុងទាតែ ដោយសារពីមុនកងពលលេខ៩គ្មានក្លឹបហាត់បាល់អីត្រឹមត្រូវដូចពេលនេះទេ។
ក្រោយពេលហាត់នៅកងពលលេខ៩បាន២ឆ្នាំគេក៏ផ្លាស់មកកាន់ក្លឹបបញ្ជាការដ្ឋានអង្គរក្ស (វីរៈ២០១០)នាអំឡុងឆ្នាំ២០១៨។ នៅអង្គរក្សបាន១ឆ្នាំស្មាត់អ្នកតាកែវខាងលើបានប្ដូរទៅកាន់កងពលលេខ៥ ហើយបច្ចុប្បន្នមានការងារជាទាហាន។
និយាយពីរឿងកាលចូលហាត់នៅកងពលលេខ៩ដំបូង ដែន បាននិយាយថា «ដើមឡើយបងខ្ញុំ ព្រោះតែចិត្តស្រលាញ់ខាងកីឡា មិនដែលគិតអីទេចង់តែហាត់បាល់។ គ្នា៦-៧ នាក់ព្រឹកឡើងហូបតែមីទេបង គ្មានអីហូបទេ ហាត់តែហាលថ្ងៃ ហើយនៅតែរោងទាទេ។...ពីមុនគ្មានក្លឹបគ្មានអីល្អៗដូចឥឡូវទេ»។
កូនប្រុសពៅក្នុងគ្រួសាររូបនេះមានកម្ពស់១,៨១ ម៉ែត្រ អាយុ២៨ ឆ្នាំ មានស្រុកកំណើតនៅភូមិក្បាលពោធិ៍ ឃុំ សំបួរ ស្រុកទាំង ខេត្តតាកែវ ។
និយាយពីជីវភាពរបស់ម្ដាយគេនៅភូមិក្បាលពោធិ៍ ឃុំ សំបួរ ស្រុកទាំង ខេត្តតាកែវ វិញគឺជួបការលំបាកខ្លាំង ដោយសារត្រូវបានប្ដីចុះចូលតាំងពីកូននៅតួច ហើយលំបាកចិញ្ចឹមកូនតែម្នាក់ឯង។ ម្ដាយរបស់ ដែន គឺមានជីវភាពក្រលំបាកតាំងពីដើមមក៕