មកស្គាល់បេក្ខភាពផ្ដាច់ព្រ័ត្រដណ្ដើមខ្សែក្រវាត់ គុនខ្មែរអលស្តារវគ្គ២

2021-10-25 02:26:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រដាល់គុនខ្មែរអលស្តារវគ្គ២ (Kun Khmer All Star) ដែលនឹងធ្វើឡើងនៅថ្ងៃទី២៧ ខែតុលា ឆ្នាំ២០២១ នេះកាន់តែខិតជិតមកដល់ហើយ។ មិនត្រឹមតែជាការប្រកួតគូពិសេសៗជាជើងខ្លាំងនៅក្នុងស្រុក និងជាការសងសឹកគ្នានោះទេ ពោលគឺមានគូខ្សែក្រវាត់វគ្គផ្ដាច់ព្រ័ត្រទម្ងន់ ៤៥គីឡូក្រាម១គូទៀត។ តោះ! មកដឹងប្រវត្តិសង្ខេបបេក្ខភាពដណ្ដើមខ្សែក្រវាត់ទាំងពីរ៖

កីឡាករ ឆូយ សូថាត់

**ទី១ កីឡាករ ឆូយ សុថាត់** អាយុ ១៦ឆ្នាំ ជាអ្នកភូមិ ក្រមល់ ឃុំ រហាត់ទឹក ស្រុក មង្គលបូរី ខេត្ត បន្ទាយមានជ័យ។ ប្រកួតបាន២០ដង ឈ្នះ១៦ ចាញ់៣ និងស្មើ១។ ជាកូនសិស្សលោក សាន សៅយ៉ាន់ នៃក្លឹបប្រដាល់សៅយ៉ាន់កីឡា។

កីឡាករ អេលីត សំណាង

ទី២ កីឡាករ អេលីត សំណាង អាយុ១៦ ជាអ្នករាជធានីភ្នំពេញ សង្កាត់ឫស្សីកែវ ខណ្ឌឫស្សីកែវ។ កីឡាកររូបនេះប្រកួតបាន១៥ ដង ឈ្នះ១០ និងស្មើ៥។ សំណាង ជាកូនសិស្សលោក ស៊ន អេលីត នៃក្លឹបនាយដ្ឋានអង្គរក្ស។ វគ្គផ្ដាច់ព្រ័ត្រនេះពួកគេនឹងប្រកួតលើប្រភេទទម្ងន់ ៤៥គីឡូក្រាម។

សម្រាប់អ្នកឈ្នះវគ្គផ្ដាច់ព្រ័ត្រខ្សែក្រវាត់ទម្ងន់ស្រាល ៤៥គីឡូក្រាមនេះនឹងទទួលបានប្រាក់ឧបត្ថម្ភលើកទឹកចិត្ត ៣លានរៀល ចំណែកជើងឯករងទទួលបាន១លានរៀល៕