ទ្រី ដាណា៖អ្នកមានធនធានតិច ឬច្រើន សូមចូលរួមជួយវិស័យគុនខ្មែរទាំងអស់គ្នា
- 2021-10-25 08:04:08
- ចំនួនមតិ 0 | ចំនួនចែករំលែក 0
ទ្រី ដាណា៖អ្នកមានធនធានតិច ឬច្រើន សូមចូលរួមជួយវិស័យគុនខ្មែរទាំងអស់គ្នា
ចន្លោះមិនឃើញ
លោកស្រី ទ្រី ដាណា ព្រឹកមិញនេះបានទៅដល់ក្លឹបនាយដ្ឋានអង្គរក្សផ្ទាល់តែម្ដង ដើម្បីយកថវិកាដែលជាជំនួយរបស់លោកស្រីផ្ដល់ដល់កម្មវិធីគុនខ្មែរអលស្តារ នូវទឹកប្រាក់ ៣៥លានរៀល។
លោកស្រី ទ្រី ដាណា បានឲ្យដឹងថា នេះជាទឹកចិត្តអាណិតស្រឡាញ់ និងចង់លើកស្ទួយវិស័យកីឡាគុនខ្មែរឲ្យរឹតតែរីកចម្រើនបន្ថែមទៀត។ នេះជាការចំណែកក្នុងនាមជាអ្នកជំនួញមួយរូបដើម្បីជាការលើកទឹកចិត្តដល់ក្រុមកីឡាករ កីឡាការិនីខ្មែរ។ មួយវិញទៀតលោកស្រីគឺមានចិត្តអាណិតកីឡាករ កីឡាការិនីតែម្ដង។
លោកស្រីក៏សំណូមពរដល់មហាជនក៏ដូចជាអ្នកមានធនធានតិច ឬច្រើនទាំងអស់សូមចូលរួមជួយគាំទ្រវិស័យកីឡាគុនខ្មែរទាំងអស់គ្នា ព្រោះជាក្បាច់គុនបុរាណរបស់កម្ពុជាជាយូរមកហើយ។ ការជួយពីសំណាក់មហាជនគ្រប់គ្នានឹងធ្វើឲ្យកីឡានេះរីកចម្រើន ប្រកួតបានប្រាក់កម្រៃច្រើនដើម្បីផ្គត់ផ្គង់គ្រួសារផងដែរ។
រលឹកដែរថា លោកស្រី ទ្រី ដាណា បានជួយជាថវិកាចំនួន ២០លានរៀល ឬ៥០០០ដុល្លារដល់ការរៀបចំការប្រកួតគុនខ្មែរអលស្តារវគ្គ២។ ចំណែកកីឡាករដែលប្រកួត១០គូកម្មវិធីនេះអ្នកឈ្នះនឹងបានថវិកាលើកទឹកចិត្ត ១លានរៀលទៀត រីឯអ្នកចាញ់បាន៥០ម៉ឺនរៀល(១៥លានរៀល)។ សរុបថវិកាទាំងការជួយរៀបចំកម្មវិធី ប្រាក់លើកទឹកចិត្ត និងស្បៀងអាហារសម្រាប់ក្លឹបនាយដ្ឋានអង្គរក្សគឺមានចំនួន១ម៉ឺនដុល្លារ៕
វីដេអូ៖