De Bruyne ថា Man City ហាត់តែ១០នាទីទេ មុនប្រកួតទល់ Man Utd

2021-11-12 03:34:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Kevin de Bruyne បានអះអាងថាក្រុម Manchester City បានត្រៀមខ្លួនហ្វឹកហាត់ប្រកួតទល់ក្រុម Manchester United តែ១០នាទីប៉ុណ្ណោះ មិនច្រើនដូចត្រៀមប៉ះក្រុមដទៃនោះទេ។

ក្នុងការប្រកួត Manchester Derby កន្លងទៅនេះដែរ ក្រុម Man City ជាអ្នកយកឈ្នះក្នុងលទ្ធផល ២-០ ដោយបិទក្រុម Man Utd មិនឱ្យមានបាល់លេងនោះទេ។ ដោយគេមើលឃើញថាក្រុមរបស់លោក Pep ហាក់ដូចជាដឹងច្បាស់និងយល់ពីរបៀបលេង ធ្វើឱ្យក្រុមរបស់លោក Ole មិនអាចវាយបក ឬបង្កើតឱកាសអ្វីឡើយ ពោលគឺមានឱកាសស៊ុតចំគោលដៅបានតែ១ជើងគត់។

ទាក់ទងនឹងប្រកួតនេះដែរ Kevin de Bruyne ខ្សែបម្រើរបស់ Man City បាននិយាយថា៖ ”នៅថ្ងៃមុនប្រកួតមកដល់ ជាធម្មតាយើងហ្វឹកហាត់ខ្លាំងជាតាក់តិច អាស្រ័យទៅលើរបៀបនៃគូប្រកួតយើងលេង។ តែមុនប៉ះ United លោក Pep បាននិយាយថាយើងមិនដឹងថាពួកគេលេងរបៀបមិចទេ ហើយបន្ទាប់មកយើងក៏បានឈប់ហាត់ ក្រោយពីហាត់បានត្រឹមតែ១០នាទីប៉ុណ្ណោះ”៕

ប្រភព៖ Dailymail អត្ថបទ៖ វ៉ាន់ សាក់